呢條片似番真正的鬍鬚曾

特首選舉到尾聲，鬍鬚曾昨日facebook上載一條15分鐘嘅 「杜sir飯局」片段，拍鬍鬚曾和導演杜琪峯一齊， 去街市買餸下廚，鬍鬚曾煮台山糯米雞，杜琪峯就整白烚魚。

煮完餸一班人食飯吹水，有李鵬飛、田北俊、翁靜晶、廣東話專家Ben sir、DJ森美、傳媒人游清源、張寶華等。

在選舉論壇變咗惡形惡相狙擊林鄭的鬍鬚曾， 在飯局中還原本來面目，說話平和，顯露原本較隨和的性格， 講到當日辭咗職，要有交待，才出來參選。

曾太黃蓮華都有出席飯局，曾太講起當年同鬍鬚曾拍拖時，都係順其自然。但鬍鬚曾插口話自己當年見到太太就好大感覺喎，其他話佢咁多女朋友點揀，鬍鬚曾就好認真澄清自己同曾太拍拖時， 無其他女朋友，搞到曾太大笑。

最後講到鬍鬚曾當年組過一隊「浪子樂隊」，其他人問佢個名點嚟， 佢就話番書仔中文係有限公司，講起許冠傑首歌《浪子心聲》，仲彈起結他，合唱《浪子心聲》，唱到「命裏有時終須有， 命裏無時莫強求」，似乎成為而家選情的寫照。

有政界中人話，比較鐘意呢個鬍鬚曾，無咁惡，比較平易近人。

特首候選人還包括林鄭月娥及胡國興。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。