林子健玩嘢有前科 玩轉超市仲話職員個心係支持佢

民主黨成員林子健發生釘書機釘大髀事件，林子健過去名不見經傳，如今一夜之間成為主角，網民人肉起底，發覺佢原來都幾識玩嘢，幾年前一班後生仔話反地產霸權，到百佳超市玩抗議，用銀仔找數玩殘百佳、惠康，原來就是林子健發動。

鏡頭所見十幾個年青人入百佳「買嘢」，全部裝滿手推車，然後用餘額不足的易辦事找數，要收銀員取消單據。又或者用大堆銀仔找數，搞到收銀員有排數。搞到找數櫃枱大排長籠，大起怨聲。百佳經理召警求助，該名經理更和其中一個帶頭者吵架。

片段最正是找了這班搞事者訪問，所有人都講「幾好玩」、「好爽」、「見到啲中產咁嬲好爽」(指超市排隊買嘢的人群)。

呢批人中最年長的就是林子健，他在分享事件時話：「我的感受是我好感動，有啲排隊的師奶或工作人員，其實佢地知我地做緊乜，同埋暗暗地支持…經理好嘢，經理勁呀，經理的戲做得好，如果唔係你，我地場戲唔會做得咁成功，多謝你，百佳的經理。」

片段所見，林子健儼然是這班人的大佬，相當玩嘢。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。