火箭在NBA常規賽主場迎戰鷹隊，最後20秒，鷹隊領先111:108，火箭的阿里沙成功找到空位，並投出有機會扳平的3分球，只見皮球直飛籃框，更聽到破網聲，不過進攻時間未有停計，分牌亦沒有動靜，但全場球員呆企，球迷又興奮吶喊，究竟，係咪入波呢？
原來，阿里沙的後撒步跳投成功瞞騙全場所有人，但騙不過機器，因為皮球只係刷到籃板，並彈向籃網，才製造出清脆的「偽破網聲」，等全場觀眾仲咁興奮，以為成功追和。而敵隊球員一樣受騙，比斯摩亞拿到籃板，亦都企定定做「阿呆」，未能及時反應。
阿里沙（AP圖片）
有網民幫阿里沙「翻舊帳」，原來他並非首次使出此「絕技」。在阿里沙尚在巫師隊時，於2013年2月28日，主場對活塞，最後3秒，在落後1分的情況下，阿里沙企圖射出反勝3分，但最終遭遇同一下場，造出「偽破網聲」，未能入波。