選美季軍出身的梁佩瑚接受訪問暢談當年選美「黑幕」,大膽披露和她同屆參選的陳法蓉違例拍攝周刊封面,事後還當眾落淚扮委屈!
有線《娛樂熱辣辣》炮製八集「絕密真相」,揭露娛圈鮮為人知的秘密,頭炮嘉賓梁佩瑚不諱言當年選美規矩嚴厲,包括不准佳麗私下接受傳媒訪問:「當時有周刊搵我影封面,我唔敢應承,對方仲游說我話陳法蓉都拍咗,我話無可能,點知後來真係見到佢做封面!」
梁佩瑚記得當時保姆拿著周刊大興問罪之師,陳法蓉自辯是參選前為模特兒公司拍的舊相,還激動落淚表現委屈。梁佩瑚笑道:「點知俾我地發現佢崩咗嘅既手指甲,同佢所謂舊相上嘅指甲一樣咁崩囉,估唔到可以咁複雜!」
此外,梁佩瑚透露當年保母還人手一本操行薄,記錄佳麗操行供評判查閱:「我認我操行麻麻,保母話我唔專心,成日匿係廁所同男朋友講電話!」亞姐方面原來也有操行薄,而操行最差的是楊玉梅一屆!
身在內地的楊玉梅接受電話訪問時透露:「同我同屆參選既有吳綺莉,施綺蓮,陳寶蓮等,我地果屆好精彩架!有佳麗用較剪剪爛其它佳麗既衫,等佢出唔到場,又有人倒痕粉落人地件衫度,等佢當眾出醜,仲有人打架,真係大開眼界!」