陳意嵐選美克服心理障礙  做個多元化演員

杜汶澤前御用化妝師陳意嵐（Tarah）今年參加ViuTV的選美節目《美選D.n.A》，她接受《巴士的報》專訪時，坦言希望透過今次的比賽克服心理障礙，學懂調節自己的心態，改善他人一向對她的壞印象，自己亦能做一個多元化的演員。

陳意嵐接受本網專訪。（本網記者攝）

今次參加ViuTV的選美活動，原來是因為Tarah想挑戰自己。她坦言自己本身的說話技巧不好，加上外貌給人有一種好惡好寸的感覺，擔心會製造誤會：「我俾好多人第一個印象唔好，所以我比較避忌，怕會得罪人。」但參加該節目後，成功克服心理障礙，與一班參賽者相處時未有很差的感覺。

陳意嵐參加《美選D.n.A》，成功克服心理障礙。（本網記者攝）

曾是杜汶澤化妝師的Tarah，今年參加選美節目《美選D.n.A》，她希望透過節目讓大家真正認識她：「陳意嵐想做一個專業演員，而唔係淨係演性感嘅角色。因為ViuTV個宣傳係真人騷拍攝，覺得同其他選美唔同，大家睇嘅時候，知道其實陳意嵐唔性感，佢只不過係想專業啲，角色要性感，所以佢性感，但佢其實想做一個多元化嘅演員。」

陳意嵐未有放棄做化妝師的工作，但參選後收入比之前減少，唯有慳啲使。（本網記者攝）

Tarah於節目入選魔鬼組， 她透露是因為基於節目中大跳性感舞蹈：「响大家心目中嗰個類型已經係魔鬼啦！同埋我做模特兒做咗好多年，一路都冇機會演戲，平平無奇。但發現原來我做一啲大家覺得係拽嘅嘢，例如性感，大家都會覺得幾得意。」她笑謂自己乖了這麼多年，所以拽一次做魔鬼。至於自己天使的一面，Tarah坦言自己喜歡照顧小朋友及小動物，在電視上展現出來未必會吸引。

陳意嵐於《美選D.n.A.》屬魔鬼組，但內心亦有天使的一面。（本網記者攝）

女仔多，是非自然都多。Tarah參選時被指向另一參賽者歐家裕（Joe）「批踭」，令Joe無奈退選。Tarah否認二人鬧不和：「我覺得係一個誤會。佢有like我IG啲相，我哋有傾偈。大家比賽會有緊張情緒，有少少誤會。」她續稱是朋友才會容易發生這些事，但可能仲好，有經歷先有進步 :「我哋有攞出嚟傾，所以依家都冇事。（多女仔多是非？）我覺得係一個比賽，識呢班女仔個個都好好，只不過大家背景唔同，年齡唔同。基於一個比賽，大家好大壓力好攰，心情唔好可能敏感咗。就算大家呢刻有啲乜嘢誤會，有啲乜爭拗，過咗比賽就冇嘢。」

陳意嵐（右四）明白選美比賽時，一眾參加者都會處於一個崩緊狀態。

於節目中才藝表演環節大跳椅子舞，Tarah解釋與她早年發現身體有缺陷不足有關：「我身體協調好差，本身脊骨唔好，學演戲時發覺企都企得唔好，又寒背，企又斜。」她稱身邊人建議她學跳舞，加上覺得自己年紀大，缺乏女人味和性感，便去學椅子舞：「以前嘅我真係好抗拒，為咗要增值呢方面嘅不足，去學一啲性感啲嘅舞 。」但同時亦因學跳椅子舞，令她獲得《選老頂》的角色，但他表示今次參選就是要擺脫給人陳意嵐只識性感的印象。

陳意嵐表示學了椅子舞很久，但今次參加選美準備的時間不長。

擁有33C的上圍，但Tarah反而不覺得身材是一種優勢：「（身材）比較突出一定唔係我。但我覺得好好彩，因為有啲身材好嘅女仔會受到一啲不必要嘅抨擊。有啲女仔胸部比較大，着一啲性感衫，大家覺得佢好賣弄。大家都係展示自己嘅優點，點解某啲部份令人產生唔喜歡嘅感覺，有時會唔會係其他人嘅問題。」她坦言今次比賽要學懂調節自己的心態，欣賞不同的女生。

化妝 : Anni Teng
髮型 : Kel Ching@salon amarone
場地提供 : hmv Bar & Restaurant

CHILL CLUB將於5月12日舉行！

ViuTV音樂頒獎禮《CHILL CLUB推介榜 年度推介23/24》將於5月12日（星期日）假亞洲國際博覽館 Arena隆重舉行。頒獎禮繼續以「人人樂壇 音樂第一」為主題，寓意樂壇需要集合所有人的力量推動發展，無論是作歌、寫歌、出歌、唱歌，甚至是聽歌的人，都是樂壇的一份子。

「CHILL CLUB年度女歌手」合照

「CHILL CLUB年度男歌手」合照

「CHILL CLUB年度唱作歌手」合照

「CHILL CLUB年度組合」合照

「CHILL CLUB年度新人女歌手」合照

「CHILL CLUB年度新人男歌手」合照

「CHILL CLUB年度新人組合」合照

「CHILL CLUB年度樂隊」合照

ViuTV於3月25日在商場舉行盛大記者會，率先公布本年度頒獎禮詳情及各大獎項的入圍名單，為一年一度的樂壇盛事揭開序幕！不少歌手現身支持，吸引了大批觀眾圍觀，當中亦有粉絲為偶像打氣造勢，場面十分墟冚。記者會出席歌手包括（排名不分先後）：Gin Lee李幸倪、泳兒、鄧小巧、陳健安、馮允謙、G.Racie王君馨、JACE陳凱詠、許廷鏗、周國賢、Jeffrey Ngai魏浚笙、Yan Ting周殷廷、Cloud雲浩影、ANSONBEAN、吳林峰、SoulJase、陳慧敏、Nancy Kwai歸綽嶢、sica、Andy黎展峯、Aiden洪助昇、Dark黃明德、區子琳、力臻、Lewsz、麗英、CATRINA梁式昕、GooChan、榛綦、雨橋、Tik鄧禮迪、彭晉MikeP.、何潔瀅Kyra、暐翹、Helen So蘇凱倫、趙展彤VAL、HOPUI何佩、何家銘、THAIMAY楊雅文、N9、per se、雷同二友、逆流、Foolya虎牙、子飛魚、EOS、Pandora、Yusobeit、Maniac、FINALLY、乙女新夢、Charming Way、SPIRAL、The Hertz、Beanies、Nowhere Boys、ToNick、P1X3L、COLLAR、ERROR及MIRROR。香港電視娛樂有限公司總經理鍾廣德先生亦有到場支持。

大合照

《CHILL CLUB推介榜 年度推介23/24》共設立20個項目的獎項，包括8項歌曲獎、8項個人獎、4項幕後獎（詳情見下圖）。歌曲獎沿用去年的頒獎形式，以歌曲的音樂風格劃分獎項，設立「CHILL CLUB年度流行歌曲獎」、「CHILL CLUB年度搖滾歌曲獎」、「CHILL CLUB年度節奏藍調歌曲獎」及「CHILL CLUB年度跳唱歌曲獎」。另外，本年度又新增設4項「CHILL CLUB評審團表揚獎」，同樣以上述4種音樂風格劃分，由一個本地及海外專業音樂人組成的國際專業評審團投票選出。評審團陣容鼎盛，包括（排名不分先後）：香港音樂人向雪懷、伍樂城、Joey Tang、黃丹儀、黃志淙，以及海外音樂人Alawn、朱敬然、Alex Psaroudakis、Alexander 23、高瀨統也、Griff。

歌手及嘉賓大合照

除了4項「CHILL CLUB評審團表揚獎」及4項幕後獎外，所有獎項均由全港市民以一人一票形式從入圍名單中投票選出，最高票數的單位將獲得相關獎項。為求公平公正，參與投票者須根據ViuTV網頁或ViuTV應用程式上的指示，以電郵或Facebook帳號或Apple ID註冊及登入成為ViuTV會員，並以香港手機號碼驗證後，方可於指定時間內透過網址 https://chillclub.viu.tv/ 進行投票。參與投票者可在每個獎項的入圍名單中投選1個單位，並只可投票1次，提交投票後不得更改選擇。