36F鄧月平夠「胸」猛 蔡瀚億硬食波餅 | 娛圈事 | 巴士的報
2017年02月24日 星期五
熱門: 我要爆料

 36F鄧月平夠「胸」猛 蔡瀚億硬食波餅

2016年12月24日 (03:31 PM)

鄧月平(Larine)早前拍攝賀歲電影,與蔡瀚億(BabyJohn)拍攝一場隻揪戲份,其36F上圍更卡着BabyJohn的頭部。導演一嗌cut機,BabyJohn即刻推開她,場面尷尬。

 

鄧月平「胸」襲蔡瀚億。
鄧月平「胸」襲蔡瀚億。

 

Larine早前於健身室與談善言(阿談)及BabyJohn拍攝賀歲電影《小男人週記3之吾家有喜》,講述飾演TB的阿談對Larine勁嗒糖,對鍾意Larine的BabyJohn有心病,當日三人在健身室相遇,阿談同BabyJohn隻揪,使出旋風腿欲掃低情敵,但掃唔中兼碌低,身穿運動bra top及短褲的Larine即刻幫拖,施展獨門武功「猛虎硬爬山」,企上木箱跳落地鋤爆BabyJohn,豈料其胸部太大卡住BabyJohn頭部。

 

鄧月平施展「猛虎硬爬山」。
鄧月平施展「猛虎硬爬山」。

 

首次拍電影的Larine,以「超級尷尬」、「極度尷尬」來形容這場戲:「但出嚟嘅效果幾搞笑,觀眾應該會笑到爆肚.....就豁出去,拍啦!我覺得BabyJohn係個超級專業嘅男演員,因為導演嗌cut機時,佢係即刻推開我,仲快過我自己反應,所以同佢拍呢場戲係十分之放心。」而被36F巨胸夾住個頭的BabyJohn,表示拍的時侯不緊張,又指劇本形容這場戲非常仔細,所以有晒心理準備。

 

鄧月平擁有36F上圍。
鄧月平擁有36F上圍。

 

BabyJohn續指可能Larine第一次拍電影,一來便拍這種場口,所以有些緊張:「我哋好詳細同佢講番要點,等佢唔好咁緊張,如果唔係大家都好緊張㗎啦。艷福就見仁見智,我覺得反而係安全,因為Larine喺個木箱跳落嚟我度,雖然跳落我塊臉,但我要接得住,如果唔係大家一齊跌,我就着重安全多啲。拍嘅時候,我諗住盡量一take,點知拍完NG,仲竟然係收音NG,我哋懷疑係咪收音師想睇多次?結果都拍多次,都期待出嚟嘅聲會係點。」

談善言(左)同蔡瀚億隻揪。
談善言(左)同蔡瀚億隻揪。
蔡瀚億期待電影上映。
蔡瀚億期待電影上映。

熱門文章