邵佩詩(Veronica)日前被拍得與新歡買餸回家玩煮飯仔,她出席處境劇滿月派對時表示只是「發展中的朋友」,仲笑晒口暗示等男方開口。

邵佩詩話自己20幾歲女仔同異性行街好正常。(本網記者攝)

邵佩詩話自己20幾歲女仔同異性行街好正常。(本網記者攝)

Veronica於將軍澳電視城出席處境劇《愛‧回家開心速遞》滿月派對,提到日前被拍得有新戀情,她表示暫時是「發展中的朋友」,否認對方是男友:「我覺得唔好特登畀個名詞佢,因為朋友唔係男就係女。」她又稱當日與男方到超市買食物朋友家中齊齊開餐,自己亦有幫手整嘢食。

邵佩詩(左四)出席處境劇《愛‧回家開心速遞》滿月派對。(本網記者攝)

邵佩詩(左四)出席處境劇《愛‧回家開心速遞》滿月派對。(本網記者攝)

她指男方是圈外人,但不願透露對方職業:「等佢自己ready時,可能我會同大家講。」問到是否等男友開口表白,Veronica即冧笑說:「你哋好衰。報道出街後反應都好,啲朋友都有關心我。(係唔係拍拖對象?)我覺得暫時唔錯,因為我哋做咗一年朋友先。」