Chilam陪做治療 靚靚翹老公漫步放閃

凍齡男神張智霖（Chilam）和太太袁詠儀去年亮相內地綜藝節目搵銀逾億，Chilam今個月終於有時間留港休息，還笑言好得閒可配合恨生女的愛妻「造人」。日前下午，因腳痛閉關半個月的靚靚，在包包面老公陪伴下去中環睇醫生，其後靚靚還繞丈夫漫步中環放閃。

上月，Chilam與袁詠儀結婚16周年紀念，兩人相約圈中好友一齊飲酒飯局慶祝，靚靚仲話好驚喜有花收，多謝老公「16上有您張智霖！」。

張智霖早排連踩兩套電影和一套內地劇，包括增肥20磅接拍邱禮濤執導的港產驚慄電影《常在你左右》。為演活變態殺手的士司機一角，Chilam專登增肥廿磅，笑言依家減了兩磅，但目標減15磅，已找魔鬼教師操練去肉，最好瘦成一道閃電，「要做全行最瘦藝人」。日前三片齊煞科，Chilam即火速回港陪妻兒，還風騷表示計劃造人。

早前，張智霖（右）孖古天樂與佘詩曼拍《常在你左右》中鬥戲。他透露首演變態殺手，仲有恐怖肢解戲O添。

男神Chilam早前拍內地劇《求婚大作戰》，憑靚樣演天使，輕鬆袋800萬人仔。

近日，靚靚投訴丈夫和魔童成日霸住部電視打波game，搞到佢無得睇球賽。

密謀追「雞仔」的同時，Chilam夫婦便被拍到在中環鬧市發現恩愛漫步。當日下午，超淡妝的靚靚翹夫現身中建大廈地下，靚靚手拎一袋疑似藥物和戰利品，似剛在樓上睇完醫生。有丈夫在身邊的靚靚，十萬個滿足，心情超靚。見Chilam雖然包包面，但不失靚仔，好錫老婆的Chilam雙手插袋chok行時都會與愛妻吹水。兩公婆恩愛放閃，行去新鴻基大廈取車。臨行入大廈時，張氏夫婦發現記者，Chilam笑口謂：「影得我哋靚唔靚O架！」然後上車走人。

當日，袁詠儀穿波鞋去睇醫生後，沿途雞啄唔斷，繞實丈夫張智霖行去攞車。

兩夫婦在鬧市拍拖，有傾有講。

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。