鄭欣宜（Joyce）與蔡瀚億（BabyJohn）於新片演繹一段青梅竹馬的友誼，二人笑言相處後發覺「對方都係傻」，所有即使拍接吻戲都冇尷尬。
鄭欣宜與蔡瀚億演繹一段青梅竹馬的友誼。
Joyce與BabyJohn於新片《29+1》演繹一段超過二十年的青梅竹馬的友誼，為反映這段比知己情人更深入的關係及配合故事年代背景，二人齊齊吹波波、踩單車、逛公園、影寶麗萊、買黑膠，又有小販車賣豆腐花、砵仔糕等，勾起不少集體回憶。Joyce坦言成件事好兩小無猜，好初戀。她指自己離開真實的初戀十幾年，有好多回憶，感覺好得意。BabyJohn則以「比初戀更到肉」及「比初戀更清純」來形容這段關係。
二人又齊齊踩單車。
鄭欣宜與蔡瀚億齊齊吹波波。
二人今次對手戲極多，更有一場接吻戲。原來二人拍攝前並不相識，而且各自覺得對方cool。幸得導演彭秀慧特別帶領排戲，造就兩人有相處機會而改觀，仲不約而同驚覺對方係傻嘅，BabyJohn笑說：「其實大家都好真性情，乜嘢都攞出嚟傾，去到拍呢場戲嘅時候係一啲尷尬都冇，我亦好多謝Joyce對我嘅信任。」Joyce亦多謝BabyJohn令到整個拍攝很自然和流暢，更大讚BabyJohn戲內戲外都是好男人：「佢會分析劇本、分析角色，俾好多時間同我傾偈，我係好鍾意，因為今次係我第一次做戲份重角色，所以佢都俾我好多信心。」
