張繼聰的寶貝女張靖(Karina)不經不覺已經滿月,好爸爸張繼聰成為前世情人的「癡漢」,十分愛錫Karina。張繼聰在社交網分享餵奶相,兩父女深情對望,冧到爆又溫馨。
張繼聰FB圖片
張繼聰忙完拍劇返到屋企依然精神滿滿照顧Karina,讓老婆謝安琪休息,擔起湊B重任,爭取時間同囡囡相處。昨晚他晒餵奶相就十分溫馨,唔少網民留言大讚張繼聰父愛滿瀉,「四目交投,一切盡在不言中」、「前世情人好甜望住爸B」。
張繼聰與Kay這四口之家好幸福,Karina要快高長大呢!
有網民調侃留言:「弊傢伙啦同你成個餅印咁呀。」張繼聰則回應:「有乜出奇呢?」其他網友也笑稱:「唔出奇呀!會更加更加、愛佢愛到不得鳥囉!」
哥哥都好錫妹妹。(張繼聰IG圖片)
張繼聰FB圖片
兩大型男鬥身形
張繼聰曾與黃宗澤合作過劇集《幕後玩家》以及《紮職2》,早前兩人在健身房意外相遇,兩大型男鬥身形,張繼聰超有「機心」靠茅招搶Fo!
張繼聰經常騷肌
肌肉幾勁!
Bosco都好Fit
張繼聰在社交平台分享與黃宗澤及教練的合照,並留言:「紮職2之舉鐵」,之後他又貼出同一張照片:「諗諗吓好似第一次喺健身室撞到,真係要影返張相留念。我認我機心好重,第一張相,擺啱pose , 隻手老年咁大」。相片中的他故意彎曲手臂谷起二頭肌,手瓜起腱相當誇張,將舉機拍攝的黃宗澤比下去。
兩大型男首次健身房相遇!
張繼聰自認有機心!