Skip to Content Facebook Feature Image

新戲高收千嬅喪笑唔停 梁漢文:佢就嚟瀨尿啦!

娛圈事

新戲高收千嬅喪笑唔停 梁漢文:佢就嚟瀨尿啦!
娛圈事

娛圈事

新戲高收千嬅喪笑唔停 梁漢文:佢就嚟瀨尿啦!

2017年04月29日 16:20 最後更新:16:20

電影《春嬌救志明》在香港和內地都票房高收,楊千嬅在廣州舉行「突然想起余春嬌唱游會」,得知票房成績一飛衝天,開心到與嘉賓梁漢文(Edmond)合唱時4度喪笑嗌停,搞到Edmond無奈對觀眾說:「你哋唔好再引佢笑,佢就嚟瀨尿㗎啦!」

楊千嬅開騷笑到踎埋地唱唔到歌,已培養情緒的梁漢文以為上咗整蠱節目。

楊千嬅開騷笑到踎埋地唱唔到歌,已培養情緒的梁漢文以為上咗整蠱節目。

《春嬌救志明》在香港上畫兩日累積票房超過360萬港元,在內地昨日開畫票房突破4615萬元人民幣。昨晚千嬅化身余春嬌獻唱多首電影系列出現過的經典歌,更與電影中的好姊妹「Brenda」林兆霞和「Isabel」陳逸寧組成「MKB48」又唱又跳《傳說》,陳逸寧自爆參考大媽廣場舞,全煬high爆!

陳逸寧、千嬅、林兆霞又唱又跳《傳說》。

陳逸寧、千嬅、林兆霞又唱又跳《傳說》。

特別嘉賓梁漢文(Edmond)與千嬅合唱吵架歌《滾》,他叫千嬅一齊培養情緒,音樂準備響起,千嬅突然說:「其實我哋真係幾勁……人哋唱情歌唱到開巷,我哋鬧交鬧到開巷,係咪勁先?!」觀眾起哄大笑。

終於唱到《滾》。

終於唱到《滾》。

情緒平伏後再唱,千嬅卻唱錯另一段歌詞,耍重唱。點知千嬅似被篤中笑穴,笑到標晒眼水,最後卻笑到踎在地上,Edmond無地對觀眾說:「你哋唔好再引佢笑,佢就嚟瀨尿㗎啦!」音樂又再響起,千嬅又叫停:「到我未得呀!」Edmond反白眼:「其實係咪整蠱節目?你哋夾埋整蠱我?」幸好最後亦順利完成合唱。

千嬅在廣州舉行「突然想起余春嬌唱游會」。

千嬅在廣州舉行「突然想起余春嬌唱游會」。

往下看更多文章

中年好聲音2|捲楊千嬅被批實力未夠班風波 伍仲衡:我係躺着也中槍

2024年03月24日 21:23 最後更新:01:12

伍仲衡更直言好欣賞楊千嬅!

TVB選秀節目《中年好聲音2》於今天(3月24日)舉行決賽,7強選手安雅希、陳俞霏、黃劍文、譚輝智、古淖文、顏米羔、沈宗賢將競逐冠軍寶座,當中大會日前宣布決賽邀到楊千嬅擔任評判後,網上出現很多批評她的實力未夠班的聲音,伍仲衡表示,「冇常識嘅人先會覺得做歌唱比賽評判一定要唱歌好聽」,因而指暗示楊千嬅「唱歌不好聽」,對此,伍仲衡直言:「我係躺着也中槍。」

《中年好聲音2》評判(本網記者攝)

《中年好聲音2》評判(本網記者攝)

《中年好聲音2》評判與「中一生」。(本網記者攝)

《中年好聲音2》評判與「中一生」。(本網記者攝)

伍仲衡(本網記者攝)

伍仲衡(本網記者攝)

伍仲衡自言說話一直都好直接。

伍仲衡自言說話一直都好直接。

楊千嬅(本網記者攝)

楊千嬅(本網記者攝)

伍仲衡指網民的言論不會影響他,「我想話比大家聽,做歌唱比賽係唔係因為你唱得好聲而去做,由我細細個睇好多 《新秀》,全部都係輝哥(顧家輝)、霑叔(黃霑)、黎小田,你唔會因為佢地唱好聽而搵佢做評判,係因為佢地對樂壇的貢獻、寫歌、作曲、做監製,嗰個音樂嘅鑑賞能力同埋有對好靈敏嘅耳仔而做歌唱比賽嘅評判,同係因為唱得好,所以我只不過出咗一個言論話比大家聽做歌唱比賽嘅評判係唔需要你本身唱歌好聽嘅,最緊要係對耳仔。」

本網記者攝

本網記者攝

問到言論是不維護楊千嬅?伍仲衡表示曾經與對方錄過音,亦覺得對方唱歌有Feel,而且她性格大情大性,「大情大性嘅人對於唱歌係好着數嘅,因為佢一唱落去個Feel就出哂嚟。其實我好欣賞千嬅,啲人話佢唔夠資格做評判,一個90年代香港嘅女天后,咁多膾炙人口嘅歌曲,開過咁多大型演唱會,佢都唔夠資格,邊個夠資格?」

本網記者攝

本網記者攝

本網記者攝

本網記者攝

提到與太太剛度完蜜月,伍仲衡表示好開心,但因為每天都是食和瞓,所以肥了不少,並笑指太太「不滿意」他的安排,因為太太都肥了,伍仲衡sweet爆表示:「但無辦法啦,同我一齊幸福梗係會肥㗎啦,我唔介意喎,佢肥同瘦我都係咁愛佢!」至於「造人」方面,伍仲衡表示不回應,但今次旅程「兩個去四個返,個篋啊,兩個行李去四個返。」

伍仲衡與太太剛度完蜜月。

伍仲衡與太太剛度完蜜月。

你 或 有 興 趣 的 文 章