許廷鏗29歲生日　親友輪流慶祝

今日29歲生日的許廷鏗（Alfred）出席創作比賽頒獎禮，透露今年生日好多親友為他慶祝。從他社交網站的相片看到，Alfred已經吃了四次蛋糕。

許廷鏗、譚嘉儀出席頒獎禮。

Alfred今天生日正日就留給家人，晚上會在家中慶祝，與20多位親友吃飯，由媽媽擔任大廚重任。Alfred帶點不忿地說：「我做了多年藝人也不及剛出生的外甥女般能搶盡焦點，所以我也要多多學習。」剛探望完吳若希的他，指對方的胸部真的大了，吳若希自言脹奶變岩石胸，Alfred笑指無摸過。

先有關心妍夫婦預先為許廷鏗慶生（許廷鏗IG圖片）

哥哥都有幫他慶祝（許廷鏗IG圖片）

好朋友胡鴻鈞、鄭欣宜又慶祝一次（許廷鏗IG圖片）

Fans當然都有為他慶生（許廷鏗IG圖片）

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。