高海寧(高Ling)於無綫劇集《不懂撒嬌的女人》中飾演「田蜜」,她坦言若有機會參演《撒嬌》外傳,希望可挑戰更高難度的角色。問到想拍《撒嬌2》還是另一套4K高清劇?高Ling笑道:「我想貪心啲兩樣都要!如果可以原班人馬拍《撒嬌2》就好喇!」
雖然劇集已曲終人散,但她的突破演出令她人氣高企及工作大增外,亦在拍檔林文龍與宣萱身上獲益良多。高Ling於《撒嬌》中跟林文龍及宣萱有不少對手戲,她坦言有一定壓力:「宣萱原來係一個好爽直嘅女仔,同我性格有啲相似,講嘢都係好直,所以好快無壓力。」談到林文龍總是一臉嚴肅,她笑言:「初時見龍爺(林文龍)係大壓力嘅,因為佢感覺上唔出聲咁,係有啲驚,但相處落佢係好好人,好健談,又無咩脾氣又好就得人。龍爺好願意教導同分享佢嘅嘢,愈係對住佢耐就愈易放低個壓力,令我愈拍愈放鬆。」
高Ling坦言為演好「田蜜」這個角色亦曾下過苦功,因為角色舉止優雅,比真實的自己有較大的差距,故在拍攝空檔會頭頂一本書在現場四處走,為的是強逼自己將一切動作放慢,此舉令林文龍及宣萱大為驚訝。她笑笑說:「我記得有一個留言係話我『本色演出』,我會將呢個留言放在讚賞那邊,因為係做得好,先覺得你本性如此,好有滿足感。」不過,高Ling沒有自滿,看過自己的演出後,更堅信自己的表現可以更好。