不滿張智霖叫阿仔講英文 袁詠儀：一嘢想劈佢

袁詠儀（靚靚）出席荔園茶餐廳開幕禮時，提到早前老公張智霖（Chilam）和兒子張慕童（魔童）玩直播講英文，靚靚即黑面，因為不滿Chilam叫兒子講英文，更表示：「我真係一嘢想劈佢。」

靚靚不滿現代人未食飯就玩手機，再聽到老公叫囝囝負責英文，當然黑臉。（東星圖片）

靚靚表示荔園樂園帶來無限的童年回憶，希望香港可以重現動物園，透露到外地必問有無動物園，因為不想兒子只在圖畫上看動物，希望他能親身觸摸及感受動物的氣味。問到可曾在荔園樂園有艷遇？她笑說：「我爸爸係做警察，點會有人敢埋身？這個地方適合一家大細。（跟張智霖拍拖去那兒？）去睇戲，嗰時唔想見到人，初時地下情咪去睇戲囉！」

袁詠儀與森美（東星圖片）

提到早前兒子玩直播講英文，靚靚即時黑面，她表示當時還未食早餐，兩父子就開始構思如何玩直播：「我覺得唔係幾好，依家啲人到餐廳唔係享受餐飯就拎手機影相，我比較抗拒。兒子現時讀國際學校，中文不是母語，但佢中文進步好多，點知老公突然講句叫『英文你負責』，我真係一嘢想劈佢。」

東星圖片

網上圖片

靚靚還自言並非「虎媽」，因為兒子曾以為她任何事都會「Say No」，而令她覺得需要反省，「原來佢覺得我咩都會say no，但無後悔過畀佢讀國際學校，因為佢好快樂同開心的小孩、思想好正面，小朋友應該有童年快樂，作為父母身教好重要，知識就交畀老師。」

網上圖片

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。