兩兄妹同爸爸餅印一樣 張繼聰趁打風留家陪囡囡

昨日颱風襲港，帶挈「癡漢」爸爸張繼聰可以留在家陪囡囡Karina，他更拍片分享到社交平台益街坊，果然在所有父母眼中，自己的囝囡是最可愛的。

網上圖片

自從細女張靖（Karina）出世後，張繼聰正式成為「癡漢」，難得昨日打風放假，張繼聰可以約會「小情人」Karina，留在家中湊B。有得同Karina增進感情，冧到暈的張繼聰當然要抱起囡囡合照，望實笑到甜笑的Karina，父愛滿到瀉。

網上圖片

網上圖片

囡囡正面靚樣首次清晰曝光，張繼聰再接再厲甫埋片，大騷Karina的動態萌樣，當聽到爸爸問「今日開唔開心吖？」Karina竟然出聲應張繼聰，張繼聰亦搞笑留言：「當你鍾意講嘢到達咗某個境界.....連兩個幾月大嘅女仕都會回應你」。而不少網民都發現了另一個重點，就是Karina與哥哥張瞻和爸爸長相激似，完全是三個餅印。

網上圖片

網上圖片

網上圖片

網上圖片

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！