阿仔送風扇仔賀父親節 張繼聰:寓意係....吹咩!? | 娛圈事 | 巴士的報
2017年08月22日 星期二
熱門: 我要爆料

阿仔送風扇仔賀父親節 張繼聰:寓意係....吹咩!?

2017年06月19日 (02:01 PM)

張繼聰同老婆謝安琪(Kay)一家四口好幸福,昨日係父親節,細女張靖仲係BB,未識送禮物畀張繼聰,10歲囝囝張膽算係有啲表示,拎出自己唔鍾意嘅風扇仔,「瀟灑」賀父親節。

 

網上圖片
網上圖片

 

知足嘅張繼聰都有收好份小禮物,並留言多謝阿仔:「我個仔送俾我嘅父親節禮物,我問佢:你買架?佢話:唔知邊道搵出嚟....我諗依份禮物嘅寓意係....吹咩!?Anyways,多謝,外景啱用」。

 

網上圖片
網上圖片

 

目擊事件經過嘅Kay,搞笑讚兩仔爺係「瀟灑的父子」,詳細交代來龍去脈。佢喺社交平台留言:「今日父親節,我個仔乜嘢都冇準備,我老公讚佢瀟灑。然後我問佢係咪應該都有少少野送俾爹哋?於是佢唔知係邊度摷到一個,佢自己唔鍾意嘅風扇,晚餐時送俾爹哋。然而,佢老豆都好瀟灑:佢見到個仔俾份咁嘅禮物佢,佢接都冇接到,手都冇伸出嚟。只係問左一句:個風扇仔你買㗎?個仔答:頭先唔知喺邊度搵到既個風扇就咁滯留咗係枱面,場面相當無奈。完。」

 

網上圖片
網上圖片

 

原以為父親節禮物事件現「羅生門」,張繼聰最終冇要到風扇仔,網民都叫兩公婆「夾口供」。不過Kay再加插留言,交代風扇仔去向,「PS:飯後,老豆發左post,多謝仔仔既禮物,小風扇總算守得雲開見月明,關心小風扇下場既朋友,你地可以放心喇」。

 

網上圖片
網上圖片

熱門文章