22歲美國大學生瓦姆比爾在北韓被囚禁超過15個月，終於獲釋回國卻不幸逝世。洪永城對此十分感慨，他曾經在北韓拍攝旅遊節目《在那遙遠的地方》，因攜帶關於最高領導人金正恩的禁書入境，被拉入房間盤問，寫完悔過書先可以走。
網上圖片
洪永城在社交網貼文分享驚險經歷，直稱自己犯咗低級的錯誤，「我帶咗本喺香港買嘅北韓書，我唔記得擺低喺中國，老實講，有關於北韓嘅書都冇乜邊本係講好嘢㗎喇，最弊就係封面套咁啱係將金生嘅肖像接咗一半，佢一搵到嗰一刻，我成身喺度震，當地官員睇到即刻拉我入去一間房，問我本書講咩喎？我梗係話唔知啦，睇都未睇過....」
金正恩（資料圖片）
網上圖片
洪永城稱「但唔知邊度躡出嚟一位識普通話嘅女士，揭開本書喺度讀喎，好彩本書唔係我寫，之後佢淨係要我簽一份悔過書，要我承認本書唔係我寫、唔贊成書入邊寫嘅嘢、無意威脅金正恩嘅政權等等.....之後就俾我走，最後講咗句 'no worry, enjoy your journey'。」
他又提醒大家，「如果你哋下次去北韓，千祈千祈唔好帶北韓嘅任何資料同埋唔該你哋delete晒電話入邊金正恩嘅圖片，祝大家好運。」
網上圖片
關注一下過去24小時娛圈事Top 5熱話
再向燈火發誓唔講大話！李龍基因未婚妻被捕曾萬念俱灰：驚自己過唔到
73歲李龍基的未婚妻王青霞（Chris Wong）今年2月中因涉逾期居留、管有及使用虛假文書等被控7宗罪，現已還押於大欖女懲教所兩個多月，案件將於5月28日再訊。曾揚言不再接受傳媒訪問的李龍基近日再次變得高調，繼早前接受梁思浩主持的網台節目《娛樂好好玩》訪問後，上周再接受由顏聯武主持的網台D100節目《霎時衝動》訪問，大談未婚妻被還柙後、孤單一人的心歷路程。
▼詳情點擊圖片查看或按連結
生日月獲後援會搞捐血及義賣活動 炎明熹預告籌備跳唱歌挑戰全新風格
剛完成三場演唱會的Gigi炎明熹，稍作休息後，於上周六（4月20日）出席由「炎明熹粉絲後援會」舉辦、特別在Gigi生日月進行的捐血及義賣日活動，她說：「今次活動由舊年7月開始籌備，當時我都未知可唔可以出席到，所以今日好開心可以同歌迷一齊做善事，除咗捐血之外，我哋仲有個義賣區，收益扣除成本全數捐贈APF愛培自閉症基金，為來自基層嘅自閉症小朋友提供ABA 治療以及為佢哋嘅家庭提供支援服務。」
▼詳情點擊圖片查看或按連結
Chantel姚焯菲新歌舞蹈員好搶鏡 迅速被網民起底
聲夢小花姚焯菲（Chantel）日前（20日）回港出席新歌 《Dreamscape》展覽開幕禮，Chantel更在現場首次跳唱《Dreamscape》，但網民將焦點落在她身旁的兩位舞蹈員，更指勝過「國民初戀」的Chantel。
▼詳情點擊圖片查看或按連結
逆天奇案2｜相隔17年再現TVB劇集 69歲張雷街頭追逐+半裸舉啞鈴騷爆肌寶刀未老
《逆天奇案2》昨晚（4月22日）播出一集展開新個案「賊王逃獄案」，單元主角是相隔17年再亮相TVB劇集的張雷！劇情講述服刑廿多年的賊王石少波（張雷飾），竟然在刑期最後一個月時逃獄，Nic Sir（黃智賢飾）在調回CIB工作的阿Wing（林夏薇飾）協助下，發現少波藏身之所，可惜在追捕過程中發生意外，被少波成功逃脫。今晚（4月23日）一集將會揭露賊王少波逃獄真相，結局更是令人意想不到，密切留意今晚播出的《逆天奇案2》。
▼詳情點擊圖片查看或按連結
洪永城一家搬大屋 新居內部裝修曝光
洪永城與太太梁諾妍（Inez）婚後誕下兩女，分別係大女「Sir Face」Amber 同細女「Sir Face 2.0」Beryl，爸爸基因十分多。日前（21日）為細囡滿月的日子，梁諾妍於IG po 出Beryl照片，又po 大囡唱《Rain Rain Go Away》的影片，令新屋內部曝光。
▼詳情點擊圖片查看或按連結
