趙勁皓(King)和盧頌之(Dada)為愛女趙安嵐(踢踢)舉行百日宴,筵開15席,忙於為形態健美比賽操練和拍劇的King仍會抽時間幫忙照顧囡囡,坦言剛開始都不習慣,不過都想再追一個仔,笑指參加完澳門的比賽後就會金盤洗手,減少參賽。
Dada同King話湊B辛苦,但都想追多個仔。
King笑說:「將來生個仔就可以教他做運動,繼承衣砵。」並謂年尾就會和Dada到日本旅行結婚,因不想太鋪張,故不會擺酒。Dada表示湊B比想像中辛苦,現在每晚四小時就要起身一次,有時BB扭計都會覺得煩,但見到B女開心笑就甚麼都忘記。
陳柏宇不時送BB衫褲鞋襪,叫King留來將來給他的B。
陳柏宇和未婚妻符曉薇亦有到賀,柏宇表示不時送衫褲鞋襪給踢踢,笑言有叫King好好保存,將來自己生B時就可取回再用。
柏宇同未婚妻齊到賀。
盧頌之與姐姐阿Mae一同作客《你想點煮姐》,面對Mae的地獄納豆料理,Dada一度放棄求生意,但仍經常搵位大讚阿Mae。
《你想點煮姐》8月21日晚一集亮相的「僱傭二人組」有前𡃁模盧頌之(Dada)及姐姐阿Mae。已為兩孩之母的Dada,不但外表保養得宜,且性格依舊好玩;面對姐姐挑戰「明太子納豆Pasta」時堅持明太子可以生食,Dada除嚇至眼凸,更一度放棄求生意志謂:「你哋由佢啦。」
21日晚呢集嘉賓係盧頌之。
講到姐姐阿Mae嘅廚藝,佢擺出咁嘅表情,明晒啦。
阿Mae未上場先向Mum派大心心,好有愛呀。
唔單止Dada,連阿Ben都覺得好Sweet。
納豆呢家嘢,真係唔係講笑。
大家睇吓Dada嘅求生意志幾咁低!
對眼都擔心到冇咗焦點。
阿Ben中途數度睇唔過眼。
Dada就成個牙煙樣出晒嚟,咁又係又泡菜又納豆又明太子都仲要落咁多鹽…
Dada最後鹹到講不出聲都係人之常情。
生食明太子都令Dada好擔心。
除了混亂還是混亂的阿Mae,中途還無厘頭改變「煮」意,不過Dada似乎見慣不怪,更神預言般貼中阿Mae在廚房一舉一動,難怪Ben大讚二人有默契。家中共有兩名姐姐的Dada,在節目中表明因阿Mae廚藝有限、故在家中主力煮飯仍是自己;雖對阿Mae廚藝零信心,但Dada仍經常搵位大讚阿Mae,行徑暖心。
不過佢唔單止仲可以搵位讚到姐姐,仲要成日讚姐姐已經好叻,絕世好Mum乎。
最終,阿Mae煮出來的明太子納豆Pasta雖令Dada鹹至講不出聲,但Dada仍能給出80分超高分,更向姐姐大叫「加油」,正能量Mum當之無愧。Dada受訪時坦言曾與姐姐吵大鑊,亦曾向過朋友投訴姐姐不是,幸好現時已捱過難關,並轉眼共事了六年,Dada說:「最緊要唔好收收埋埋。」Dada又親身示範如何以「想法改變事情好壞」,就是凡事多一點欣賞:「佢好了解我,見到我煮到差唔多,就會畀啲蔥我,有時又會幫我熱咗啲鍋。」
呢碟係姐姐嘅作品,Dada除咗畀80分,仲話賣相好靚。
但其實無論佢定阿Ben,試食時個樣都係咁…
Dada呢個咁包容嘅Mum,真係唔話得。
Dada最後夥拍姐姐一齊學廚,Dada仲大讚姐姐好靚女。
呢碟係阿Ben嘅改良版,附送阿Ben本集爛gag金句:「先炒菜後落油,生活冇憂愁」,係咪學到好多嘢呢?
Dada又指與姐姐時有互送零食,以行動證明自己重視對方。問到為何當初會聘請阿Mae,Dada回復搞笑本色指全因對方夠靚女,此時阿Mae即醒目回敬:「Just like mum」,又在錄影期間向阿Mum大派心心,氹得Dada笑逐顏開,足見二人感情甚佳。
調番轉頭,阿Mae都好識氹阿Mum開心㗎。
而8月18日晚播出一集,最特別之處是李創偉的姐姐Emmie,原來有報讀藍帶課程進修廚藝,並在節目中炮製近期熱爆的椰菜花炒飯顯身手,切起椰菜花飯時更是有板有眼,成為焦點。全集最搞笑是,當Emma透露志願是開意法菜餐廳時,李創偉竟搞笑追問:「點解我從未試過嘅?」Emmie聞言神回覆:「因為你淨係食雞胸咯!」李創偉亦不罷休繼續追擊:「你可以考慮整意式雞胸喎。」Emmie最終爽快答應,並甚有道理表示:「因為我唔使額外畀錢,對於我嚟講,仲可以免費額外學到新嘢。」與Emmie感情好到連對方未婚夫也見過面的李創偉,還大方分享與姐姐感情要好秘訣:「佢哋離開咗home town,我哋應該當佢哋家人,佢哋會做得開心,啲嘢都會做得好啲。」
Emmie上緊藍帶課程。
刀功同信心都有番咁上下。
對於阿Sir「窮追猛打」,Emmie一句「你淨係食雞胸」成功K.O.。
Emmie除咗煮得,仲好玩得,連阿Sir叫佢試吓邊切洋蔥、邊跳舞,佢都樂意配合。
Emmie煮出嚟個賣相係正嘅。
不過阿Ben個「改良版」似乎更正。
阿Ben仲會傳授刨椰菜花飯及提升鑊氣秘技。
呢兩位感情都係好好㗎。