許廷鏗做華納一哥 欣宜：睇住我呀！

鄭欣宜（Joyce）做生招牌為其自家曲奇品牌擺檔，談到好友許廷鏗加盟華納做一哥，她表示：「一哥請食飯，睇住我呀！」

東星圖片

東星圖片

Joyce現身自家曲奇品牌攤檔，做生招牌宣傳其曲奇雪糕三文治，她更特地與雪糕品牌合作推出四款口味，配合懷舊主題。Joyce親自試食四款口味，保證每款都好味才推出。為了帶給顧客新鮮感，Joyce指幾位合作拍檔不斷研究新口味，亦會在受喜歡的口味再加點新創意。

東星圖片

東星圖片

此外，談到好友許廷鏗加盟華納做一哥，Joyce說：「已恭喜咗佢，佢喺我舖頭宣佈，不過我之前返咗加拿大探親，近日才返港，佢話想約我打牌。（叫佢請食飯？）好呀！一哥請食飯，睇住我呀！」

網上圖片

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。