絕世好男人Chilam陪靚靚去「吹水lunch」

本月27日就46歲的頂級「美魔男」張智霖（Chilam），日前中午趁還未開拍林德祿導演的新電影《L風暴》，就陪老婆大人袁詠儀（靚靚）去「太太吹水lunch」，一切老婆行先，果然是絕世好男人。

日前，許冠傑（Sam）與譚詠麟兩位神級歌手合辦演唱會，張智霖夫婦睇完騷再入後台同阿Sam集郵。

Chilam婚後16年來都對愛妻靚靚一條心，還與10歲獨子張慕童（魔童）全無代溝，父子老友鬼鬼，一齊打機、睇波等，令靚靚都有點妒忌！早前，Chilam完成新片《洩密行者》拍攝，隨即計劃到新加坡短線遊，帶妻兒去當地的Wave House Sentosa衝浪和玩水上活動玩餐飽。

Chilam日前貼出新電影《L風暴》man爆新造型。

Chilam（右）在新電影《L風暴》再與古天樂（中）合作。

近日留鬍鬚拍新片、man爆造型被太太勒令「唔准剃鬚」的Chilam，日前就趁還未開始拍攝，陪老婆現身中環。當日，靚靚約了好友蔡一智太太周雪芳食飯，可見兩位星級人妻雞啄唔斷，不停吹水，丈夫就密密食做聆聽者。

素顏袁詠儀連珠炮發。

同蔡一智太太周雪芳（右）食晏，Chilam間中玩吓手機。

Chilam快快食飽飽，繼續好有禮貌陪坐，間中又玩下手機。逗留逾半小時，Chilam似趕時間，禮貌與太太和蔡太道別，然後單獨去怡和大廈方向的髮型屋整頭。沿途好多人認出Chilam，他都低調微笑繼續行。其後，「太太吹水lunch」散場，靚靚和蔡太分頭走，靚靚戴上口罩行去太子大廈閒逛。

Chilam快食完撩牙，繼續打躉。

老公去整頭，袁詠儀去太子大廈閒逛。

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。