陳志雲自薦做「小三」同小儀爭奪森美

商業電台首席智囊陳志雲、雷霆881節目發展經理郭志仁和一眾商台DJ昨晚齊出席商台58周年台慶晚宴。陳志雲笑指如要開舞台劇便會自薦做「小三」，和小儀爭森美。

森美練到咁Fit，陳志雲都要做小三同小儀爭奪。

談到新計劃，郭志仁透露曾俊華和馬浚偉將分別開咪做節目，馬浚偉還會邀請應屆特首林鄭月娥和曾經傳不和的TVB高層樂易玲做嘉實。陳志雲即笑指馬浚偉有好多契妹可以做嘉賓，如陳法拉、楊怡，還提議可以請來議員容海恩。當笑問可會擔心被拒絕食檸檬，陳志雲說：「佢食又唔係我食，食檸檬有維他命C。」

陳志雲（右）出席台慶晚宴都落好重妝。

加入商台踏入20年的小儀表示，跟拍檔森美合作代表作《森美小儀歌劇團》，當中有不少小演員已加入娛樂圈，所以將會找回當年是小演員的游學修和顏卓靈參與。在旁的陳志雲笑言如開舞台劇會自薦做森美和小儀的第三者角色，並要跟小儀爭奪森美。

陳志雲、謝茜嘉、小儀、細So等

對於公司計劃培育新人，謝茜嘉表示會在節目上招聘新人，亦歡迎大家demo；而葛民輝自言跟林海峰要再培訓，由新人培訓他們，希望後輩給多些機會前輩。談到前財政司長曾俊華將會開咪做節目，林海峰謂在電台經常見到對方。

葛民、林海峰

商台58周年台慶晚宴

森美：「有用嘅嘢想用都冇得用」！

全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！

Mayanne同GM分別擔任主持及助理主持。

今集請嚟火火（左起）、森美同埋劉翁擔任嘉賓。

年屆50嘅森美笑言最開心係可以同BTS一齊入伍。

火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！

火火親述「抓龍筋」過程，啲表情包勁爆笑。

之後眾人大談中年危機6大徵兆，其中一項係性能力/性慾下降。

森美激動表示慘遭老婆無視，搞到「有用嘅嘢想用都冇得用」！

之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」

之後講到依家男士魅力不再，森美留意到依家好多男人操肌係為咗吸引異性。

再講到出軌問題，森美話成本太高唔敢嘗試。

已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。

劉翁自爆第一段婚姻出軌經歷。