謝安琪(Kay)生完第二胎囡囡後,為專心照顧家庭子女暫不復出,與老公張繼聰不時更新社交平台分享家庭樂和近況,也不介意晒素顏做運動等照片。阿聰在社交平台貼出有網民在抨擊謝安琪整容、醜女及肥的言論截圖,並以長文力撐老婆,獲不少網友支持。
阿聰帖文指:「香港有言論自由,可惜未必每位朋友都有尊重別人嘅修養。我好少放係心更加唔會嬲,不過講我太太,我就講幾句。太陽係喺東邊升起,係唔需要証明,又唔駛討論,因為係事實。就好似我覺得我太太有幾靚一樣!我感激我太太,暫時放低自己嘅事業,承受懷胎10月之苦,無微不至咁照顧我地嘅小朋友。依種已經唔係靚咁簡單,係為人父母嘅偉大。仲有,女士們生完BB,最緊要係調理身體,根本唔需要介意身形。到適當嘅時候,先開始運動配合飲食,你慌唔會fit番?大家放心,我老婆係唔會變番以前咁,而係會比以前更健康,更fit(更靚我就唔敢講啦,因為係我心目中已經好盡吓,不過唔介意再盡d),P.S. 睇見兩位朋友話我整容果個位⋯⋯我笑咗」。
一眾網民都撐阿聰:「我也是、講我就得,講到我老婆仔女邊個都冇面畀」、「好man啊!維護老婆!支持你,我真心覺得kay係好靚喎~英文又好聽!好完美~ 」,亦謂現在網絡世界真的很恐怖,可以不用理會這些人說話。
由於阿聰無將留惡言網民的圖像及名字打格,有人建議阿聰下次可以考慮遮發言者樣和名字,阿聰就回覆說:「感謝你嘅建議,我今次係決定唔遮佢嘅名。我唔係想佢受到網上欺凌,因為我好明白俾人欺凌嘅感受,佢俾人話我個心都唔舒服,不過我希望俾機會依位朋友一個機會感覺吓,希望佢下次留言會有另一種選擇」,其他網民亦認同阿聰說,要對方知道上網講說話都要負責,講得出就要承擔後果等。