麥浚龍昔日被「柴台」今獲激讚

02年出道的麥浚龍（Juno），當年出席頒獎禮被樂迷喝倒彩聲回應，轉眼13年，最近推出新碟《Addendum》，網民紛紛激讚正評，被喻為「神碟」，期待他出席頒獎禮現場演繹送上歡呼聲。

Juno若然13年的今天才出道，他的路會否一樣難行？

Juno初出道跟勁敵蕭正楠齊齊出席頒獎禮，曾是當時焦點，旁為胡彥斌。

待遇天壤之別，究竟哪裡出了問題？或許一句老套話：時間證明一切。有實力者，時間會給他最真實的答案。　

Juno今次跟黃偉文合作「癡情三部曲」，創出前所未有的佳績。

　　　　　

背景「有米」的Juno，以往很少會演出商業騷，加上近年經常「神隱」，公開活動買少見少。知道他將於下月13日演出《軒尼詩炫音之樂2015》，很自然會問：「點解嘅？」

早前Juno跟黃芷晴和劉卓軒齊出席《軒尼詩炫音之樂2015》記者會。

他一貫淡然說：「現場演出係一個配套，有啲歌手一支結他一支咪就可以表演，但我一路做自己音樂監製，知道好多嘢要有配套先得，大家勉強之下，對件事未必好，今次主辦商畀左好多空間我，整體有信心會係個滿意嘅製作。」

講演出只是淡淡然，提到「神碟」有好成績，Cool爆的Juno不禁露出滿意的笑容。「成個團隊合作最開心嘅，唔係單純首歌成績好好大家好鍾意，開心粵語樂壇都可以有追看性，商業歌曲，都有好多做法，帶有編劇、用故事出發去做專輯，好誇張咁講可能新一頁打開左，呢個可能係樂壇新紀元，不景氣係事實，但唔代表冇質素，我想帶出嘅訊息係咁。」

新碟大賣，Juno沒有乘勝追擊的意圖，因新碟其實跟《Addendum》是同時間做，「因為知道下年要拍電影，根本冇時間，咪兩隻碟一齊做。不過，下張碟同今張冇關係，但會係大碟嚟，都係以故事形式出發，愛情為主，故事比今次再複雜小小。班底都係林夕、周耀輝，陳珊妮同許哲佩等等。有冇合唱歌仲未知，但對手一定唔會重複，拍MV要睇時間，忙緊電影驚唔夠時間去拍啫！」

除了音樂，Juno13年首度執導《殭屍》，同樣叫好叫座。

對於早前Juno跟周國賢合作的《雷克雅未克》，有傳本搵吳日言（Yan）出任MV女角，但Yan受到工作人員不禮貌對待，令阿Yan網上留言大呻「我唔夠紅」。

對此Juno只說：「其實我冇乜睇法，每個人有自己睇法，我冇刻意了解件事，我覺得合作到咪合作，合作唔到咪……其實來日方長。（將來有冇機會？）暫時唔知道。（你有冇嬲？）我自己冇嘢，我好淡然去睇呢件事，大家不嬲都冇乜聯絡。」

曾是Silly Thing好同事的Juno和吳日言，今日卻反面收場。

早前Juno出任謝安琪世界巡迴演唱會澳門首站嘉賓，現場演繹大熱歌《羅生門》，令樂迷更為期待年尾頒獎禮兩人會再度合體。

Juno跟謝安琪合作的《羅生門》，絕對是今年的話題之作。

聽到樂迷的呼喚，Juno再笑著說：「聽到愛的呼喚之下就會現身？但唔係我控制到上唔上到台喎！視乎電影檔期啦！時間配合到係有可能，我保持一個好中立態度，作為歌手得到認許都開心嘅。」

麥浚龍昨晚亞博演唱會順利完成。

由Live Nation主辦，《金榜題名 project_mayhem • an urban fantasy by juno mak》昨晚假亞洲國際博覽館Hall 10，麥浚龍以一個兩年前寫好的劇本，加入音樂與映畫，並集合廿四味、MATTFORCE、Novel Fergus、PetPetShawn、Geniuz F the FUTURE、Polar G、MOBP、ZODI及王嘉儀穿插任嘉賓，上演一場前所未有的精彩演出，吸引了8000觀眾前來欣賞。

演唱會開場上香給關二哥

開騷啦！

《金榜題名》故事由江湖人物阿南被殺開始，本已金盤洗手的細鳳（Juno飾），被奉召找出真兇，一班歌手，包括廿四味、MATTFORCE、Novel Fergus、PetPetShawn、Geniuz F the FUTURE、Polar G、MOBP、ZODI及王嘉儀，在Juno執掌的鏡頭底下，分別飾演故事中不同角色，當中部份歌手更是首度演戲，為Juno獻出他們的第一次。除此之外，古天樂、梁家輝、張家輝、林家棟及吳君如，更為這個故事聲演過去演繹的電影角色，令整個《金榜題名》故事更見豐富，也令演出生色不少。

Genius F the FUTURE

Matt Force

Novel Fergus

Polar G

為配合故事發展，Juno與一眾演出嘉賓，一氣呵成演繹了29首作品，當中包括點題作〈金榜題名〉，還有Juno〈生死疲勞〉、〈弱水三千〉、〈金剛圈〉和新歌〈花臂〉；廿四味〈Respect到仆街〉、Novel Fergus〈孫子兵法〉、〈黑水鬼〉；PetPetShawn〈喺呢度大〉、MATTFORCE〈16 x 16〉、王嘉儀〈我們的鬼魂〉等，當中部份歌曲重新編製帶來不少新鮮感，但台下觀眾只要聽到熟悉的旋律，都會陷入興奮、瘋狂狀態，而且更會跟着一起大合唱，台上台下打成一片。在《金榜題名》故事演出過後，台下觀眾意猶未盡大喊Encore，Juno與廿四味、Novel Fergus及PetPetShawn再次上台，但他們將Encore的環節，獻給於去年離世的LMF成員陳大飛，送上由大飛創作的〈愛是⋯⋯〉及〈大懶堂 x 市民之光〉，向對方致敬，而Juno最後亦唱出他與大飛過去合作的〈我們的末日〉作結，但Juno在期間傷感地流下男兒淚，而且更一度唱不出來。

Juno最後唱出他與大飛過去合作的〈我們的末日〉作結，傷感地流下男兒淚

事後Juno表示，是次演唱會大飛本來亦有參與其中，他說：「我第一個邀請就係大飛，但冇耐佢話唔舒服要休息一陣再返嚟，但點知跟住就走咗，所以我哋喺呢個演唱會上面加入向佢致敬嘅環節。〈我們的末日〉係我同佢合作嘅唯一一首慢歌，每次唱都會諗返起大家合作時候嘅點滴，所以呢首歌係喺綵排期間最想避開嘅一首歌。」而Juno亦因思念故人，所以在台上哭了。Juno又透露由於昨晚天氣回暖，他穿上一套絲絨西裝唱出〈金剛圈〉時焗得天旋地轉暈暈地，望到舞台也斜了燈光亦開始旋轉，唱完之後，一到後台即要兩個人攙扶，不過稍作休息已無大礙。

今次《金榜題名 project_mayhem • an urban fantasy by juno mak》是一次跨媒體創作，Juno希望能給予大家新鮮感，他同時多謝多位影帝影后為這次聲演演出，他說：「好多謝佢哋，當中有啲係幕前合作過，有啲係本身認識，今次可以將佢哋以往角色再度呈現，重新寫對白然後再同佢哋傾並修正，實在好多謝佢哋嘅參與。」