時下不少人玩Rooftopping（天台危攝），可謂藝高人膽大。不過，內地一名男子似乎高估個人技術，爬上一塊尖石拍照時失手墮坡，幸好只是受了輕傷。
紅圈為男子失手一刻，令人不禁為他捏一把汗。
網上流傳一段在內地拍攝的短片，一名行山男爬上尖石上企圖玩Rooftopping，但「輕功」麻麻，擺好姿勢拍攝時失手墮坡，幸而僅擦傷手臉，性命得保。
片段惹來網民抨擊，批評行山男玩命，慨嘆「為咗一張呃like相，真係去到好盡，何苦呢。」有網民苦口婆心指「行山不是行命，影完冇下次值得咩。」另有網民認為男子行為自私，「唔係次次都咁好彩㗎，救你又浪費資源。唔救你又唔得。」