Skip to Content Facebook Feature Image

送藥食陳皮梅 原來係咁解

生活事

送藥食陳皮梅 原來係咁解
生活事

生活事

送藥食陳皮梅 原來係咁解

2017年07月26日 08:00 最後更新:18:51

送藥食陳皮梅可以說是不少人的集體回憶,但點解呢?原來背後大有學問。

設計圖片

設計圖片

網上圖片

網上圖片

陳皮梅的製成,會先將梅子浸泡再去鹽份,然後加入陳皮醬、生薑入缸糖漬。等一周後再加入砂糖進行煎煮,再加入甘草及肉桂,進行烘乾,就變成了陳皮梅。

資料圖片

資料圖片

陳皮的功效不少,原本是柑桔果皮曬乾,變成「陳皮」,而且有化痰止咳的功效,增強心血管系統的效用,又可以有抗炎、安神鎮定及清熱。

網上圖片

網上圖片

但原本陳皮就是性溫,特別在陳皮梅這個組合,梅子帶酸性寒,兩者中和,而且再帶來了促進消化的功效,亦可以去除口中苦味,讓患者「開胃」。正正是這個原因,所以,送藥食陳皮梅便成生活常識。

往下看更多文章

牠會放屁嗎?關於雀的無聊10問

2015年12月03日 16:26 最後更新:17:11

今日諗唔到寫乜,膠仔只好向Google大神請教吓啲無聊知識。喺搜尋列輸入「Do birds ……」(雀仔會唔會……),自動彈出以下結果。我逐個望,發現啲內容勁有趣,一於開返個「無聊10問」,試試用最少字數講最多小知識。

雀會放屁嗎?
鳥類消化食物速度勁高,加上肚道細菌同其他動物唔同,消化過程中唔會產生氣體,無屁放。

雀會屙尿嗎?
雀仔唔會屙尿,所有廢物都係由同一個「洩殖孔」排出體外,屎中帶尿。

雀仔會唔會瞓覺?
會呀,飛行途中仲可以俾一邊大腦休息,另一邊保持清醒,所以候鳥遷徙連續飛幾十日都無問題。

雀仔企喺高壓電纜上點解唔電死?
雀鳥之所以能夠停喺高壓電纜而唔會電死,係因為身體無「接地」(同其他物件接觸),小小身體同電纜間嘅電壓差並不足以產生電流,無電流的話就無殺傷力。不過如果隻雀企喺電纜嘅同時,又同另一件連接地面嘅物件有接觸,保證燒鳥。

雀仔會唔會中閃電?
如果雷電擊中大樹,樹上雀仔就慘啦。點解?上邊已經講咗。

雀仔有無耳?
有兩隻,藏喺頭部羽毛之下。

雀仔如何交配?
過程好短暫,男上女下,進入,完。

雀仔會唔會生虱?
會,仲會生螨、蠅等至少有41個品種寄生蟲。

雀仔點解要遷徙?
主要係要尋找適合嘅居住環境,有科學家亦認為係為咗遠離父母,好似部分人大個咗想搬出去住一樣。

雀仔吱吱喳喳叫有咩意思?
最多時係為咗同同類嬉戲以及求偶,每種雀都有獨特「鳥語」,以唔同頻率表達唔同意思。