Skip to Content Facebook Feature Image

口痕痕想食宵夜 三款小食飽肚又健康

生活事

口痕痕想食宵夜 三款小食飽肚又健康
生活事

生活事

口痕痕想食宵夜 三款小食飽肚又健康

2017年09月12日 10:15 最後更新:19:15

食宵夜、糖水雖然會加重脾胃負擔,又容易致肥,但不時都會因口痕想食少少,那就可以選以下三款小食,它們都是容消化、有飽足感又邊康!

1. 堅果 :天然的堅果,例如核桃、杏仁、腰果、栗子、葵花籽、花生等,均含有豐富的不飽和脂肪酸和多種維生素,雖然熱量不低,但營養價值高,適量攝取有益身體健康。

2. 黑朱古力: 以可可豆為原料、加工製成的「朱古力」,內含的「可可鹼」有抗抑鬱作用,適量攝取有助舒緩情緒,但市面上常見的「牛奶朱古力」、「白朱古力」、「草莓朱古力」等,可可含量都偏低,又添加了大量糖,因此可選擇一些純度為75%以上的黑朱古力。 

3. 無糖乳酪:乳酪含有豐富的蛋白質和鈣質,不但能促進腸胃蠕動、改善便秘的問題,還可以提高免疫力。不過,市面上有不少乳酪添加了大量糖分,或大量用果膠和奶粉調製,選購時需留神!

往下看更多文章

牠會放屁嗎?關於雀的無聊10問

2015年12月03日 16:26 最後更新:17:11

今日諗唔到寫乜,膠仔只好向Google大神請教吓啲無聊知識。喺搜尋列輸入「Do birds ……」(雀仔會唔會……),自動彈出以下結果。我逐個望,發現啲內容勁有趣,一於開返個「無聊10問」,試試用最少字數講最多小知識。

雀會放屁嗎?
鳥類消化食物速度勁高,加上肚道細菌同其他動物唔同,消化過程中唔會產生氣體,無屁放。

雀會屙尿嗎?
雀仔唔會屙尿,所有廢物都係由同一個「洩殖孔」排出體外,屎中帶尿。

雀仔會唔會瞓覺?
會呀,飛行途中仲可以俾一邊大腦休息,另一邊保持清醒,所以候鳥遷徙連續飛幾十日都無問題。

雀仔企喺高壓電纜上點解唔電死?
雀鳥之所以能夠停喺高壓電纜而唔會電死,係因為身體無「接地」(同其他物件接觸),小小身體同電纜間嘅電壓差並不足以產生電流,無電流的話就無殺傷力。不過如果隻雀企喺電纜嘅同時,又同另一件連接地面嘅物件有接觸,保證燒鳥。

雀仔會唔會中閃電?
如果雷電擊中大樹,樹上雀仔就慘啦。點解?上邊已經講咗。

雀仔有無耳?
有兩隻,藏喺頭部羽毛之下。

雀仔如何交配?
過程好短暫,男上女下,進入,完。

雀仔會唔會生虱?
會,仲會生螨、蠅等至少有41個品種寄生蟲。

雀仔點解要遷徙?
主要係要尋找適合嘅居住環境,有科學家亦認為係為咗遠離父母,好似部分人大個咗想搬出去住一樣。

雀仔吱吱喳喳叫有咩意思?
最多時係為咗同同類嬉戲以及求偶,每種雀都有獨特「鳥語」,以唔同頻率表達唔同意思。

你 或 有 興 趣 的 文 章