不要以為只有魁梧大漢,才能勝任落貨粗重工作,兩張攝下背心熱褲的落貨少女,在馬路上手瓜起腱拉唧車的照片在網上瘋傳,網民激讚大呼「一齊開工啦!請唔請人?」,直言「好想俾佢瘋狂左右勾拳」,更封她為「落貨者羅拉」!

馬路的事FB圖片

馬路的事FB圖片

據相中線索顯示,落貨少女今早於半山羅拔臣道,替一間連鎖超級市場落貨,拉起載有大批樽裝水的唧車,當時身穿背心熱褲,手瓜起腱,其間被人攝下「英姿」。照片送上社交網站數小時,已經有近四千人讚好,並分享到多個群組。

網民大讚她是「運輸界的驕傲」,大呼「佢手瓜粗過我大髀」、「老鼠仔好大隻呀!」認為肯刻苦耐勞的女仔,在香港非常罕有, 「有樣有身形依然靠自己勞力搵食,呢啲先真女神」、「女人最好揀呢種,起碼自己識照顧自己,不過俾佢風一搥唔知會點?」

網上曾流傳的圖片

網上曾流傳的圖片

美女當前,不少網民紛紛說認得,分別有人稱在山頂、深灣、北角、新蒲崗、鴨脷洲等地見過「落貨者羅拉」的倩影,但不約而同都指「覺得佢真係靚女,唔係講笑」,「成日見佢係新蒲崗舔舔脷食雞脾」、又說見到她的話會「輕輕打下眼」!

其實去年九月亦有人發現背心熱褲落貨女的蹤跡,與「落貨者羅拉」相似,同是驚現街中吸引眾人眼球。現在得知「羅拉」在羅便臣道出沒,有人提醒「你地千期唔好去潮聖,攪到羅便臣道大塞呀」!

不過,就有人為做運輸的男人抱不平:「即刻諗起揸私家車嗰啲,成日話啲人送貨阻住晒!依家一見『囡呀』即刻態度唔同晒!仲話落車幫佢 推添!我地呢啲做運輸嘅男人,都唔知好嬲定好笑!睇嚟下次請人,我要請女人啦!」