金牌監製鄧特希主理的新劇《隱世者們》舉行記者會，《壹號皇庭》班底演員吳啟華、陶大宇、宣萱和蘇永康等一起現身。大宇說《壹號皇庭》與啟華沒甚麽交流，今次是訓練班畢業後、相識逾三十年正式跟他合作的第一部作品。
《隱世者們》記者會（本網記者攝）
大宇指與啟華相識時大家都是「一張白紙」，甚麽都不懂，看著大家長大，發展也不同：「而家睇住啟華哥成熟晒又獨當一面，勾起好多以前訓練班細路仔嘅回憶、大家做學生哥時嘅回憶，都好開心嘅，大家行埋話題已經唔同咗，以前話題包括去邊度玩、去邊度蒲，而家嘅話題已經講緊健康之道，要多運動」，笑言：「一睇就知喇，你睇吓啟華哥幾FIT。」
大宇笑言當年的啟華的話題已不同（本網記者攝）
大宇又大讚宣萱絕對是好對手：「如果唔係佢我做起上嚟會卡手卡腳，《壹號皇庭》時已同佢認識，喺呢部戲都有一場好激嘅戲，唔知點解我對親佢都有感情戲發揮。」他稱今次咀過宣萱無數次：「《壹號皇庭》已經咀過佢幾十集，之前有部民初戲又咀過，今次嘅感覺我好舒服，因為我唔使郁，我坐喺度。（以前唔舒服？）以前我郁梗係唔舒服喇。」他指宣萱今次飾演的角色是有義肢的女性，但要採取主動，笑指鄧特希：「呢個鄧特希真係鬼馬、真係曳，寫埋啲咁嘅嘢。」
大宇大讚宣萱絕對是好對手（本網記者攝）
