Skip to Content Facebook Feature Image

周秀娜睇北極光如願以償

娛圈事

周秀娜睇北極光如願以償
娛圈事

娛圈事

周秀娜睇北極光如願以償

2017年01月10日 23:57 最後更新:23:57

周秀娜(Chrissie)早前到挪威旅行,為求見到北極光,着夠六件衫四條褲,終於如願以償。

周秀娜終於如願以償,睇到北極光。

周秀娜終於如願以償,睇到北極光。

Chrissie早前原本同朋友計劃十日去兩個國家旅行,原定計劃去巴塞隆拿,但發覺冬遊巴塞冇節目,即轉去芬蘭聖誕老人村住玻璃屋,可惜因時間太急,玻璃屋全滿,結果轉去挪威特羅姆瑟(Tromso),與閨蜜住靚民宿等遇北極光,最終得償所願。她稱朋友告知今年是最佳睇北極一年,笑言是幸運之神眷顧她。

挪威冬天氣溫零度以下,周秀娜着夠六件衫四條褲。

挪威冬天氣溫零度以下,周秀娜着夠六件衫四條褲。

今次Chrissie有備而戰帶兩大篋同行,她笑說:「我真係第一次準備咁多嘢,腳架、相機、背囊、保暖壺、手套、暖包,帶咗好多保暖打底衫褲。睇北極光嗰日係夜晚,又唔知幾時睇到,要長期喺出面,嗰晚我着咗三件打底衫,加羊毛冷衫,着多件衛衣再加多件防雪防風褸。下身着三條打底褲,出面再着面褲,着衫都着好多層,每日都好輪盡,然後每日拎腳架、相機同背囊出去,因為如果去到影唔到會好可惜,同埋做嘢咁辛苦,要去睇吓個世界。」睇完北極光後,Chrissie轉到英國倫敦過新年。

周秀娜睇完北極光,轉到英國旅行。

周秀娜睇完北極光,轉到英國旅行。

Chrissie去年先後拍了三套電影,《29+1》、《女士復仇》及今年賀歲片《小男人週記3之吾家有喜》,她表示對去年成績都幾滿意,所以這個旅行是獎勵自己。

往下看更多文章

林峯新歌MV邀周秀娜做女角 期待與古天樂合唱

2024年01月15日 19:22 最後更新:23:29

林峯同周秀娜係首度合作MV,林峯仲負傷完成公主抱。

林峯近日推出加盟華納後第四首全新廣東歌曲《無傷大雅》,之前因為疫情關係未能夠親身返港拍攝劇情MV,所以這次MV特意找來一直與林峯在電影及劇集合作無間、默契十足的周秀娜做女主角,MV二人飾演在一起很久的情侶,分手後林峯一直默默關心及照顧周秀娜,劇情非常催淚!新歌找來吳林峰作曲,林寶填詞,黃兆銘、徐浩編曲及徐浩監製。

今次算是二人第四度合作,而MV係第一次

今次算是二人第四度合作,而MV係第一次

林峯說:「好有幸可以請到娜姐嚟做我嘅 MV女主角,其實我哋之前有合作過電影、電視劇,但就係冇合作過MV,因為佢都好少拍MV嘅,所以好有幸、好多謝佢今次嘅參與 !」今次算是二人第四度合作,問到拍MV可有趣事?林峯笑言:「就係發現原來娜姐好輕,佢真係好鬼 fit!」原來 MV入面有公主抱娜姐嘅情節,林峯直言娜姐應該是他合作過的女演員裡最輕的一位。笑言:「真係㗎!原本我諗住要紮行馬咁,點知一抱嗰下,嘩!咁輕嘅⋯⋯哈哈!」娜姐亦笑言:「當佢抱起我嘅時候連我都覺得自己好輕,嘩,佢咁輕而易舉嘅哈哈!」原本娜姐好擔心,因為知道拍檔有腳傷在身,擔心自己的體重會令他傷上加傷。林峯立即話 :「呢排我腳傷冇操(體能) 我都覺得你輕,所以你真係好輕!」

林峯繼續CHOK

林峯繼續CHOK

林峯繼續CHOK

林峯繼續CHOK

林峯話娜姐超輕

林峯話娜姐超輕

娜姐仙氣滿滿

娜姐仙氣滿滿

今次新歌連出名唱得的阿峯都話難度高:「呢首歌真係我做歌手以嚟數一數二難唱㗎!連監製徐浩都話難!」見到阿峯在拍攝現場一直在練習唱歌詞,但MV不是不收音的嗎?阿峯直言:「因為我係一個歌詞白痴嚟㗎,我自己啲歌唱十年都記唔到歌詞⋯⋯」娜姐聞言感到驚訝:「點會呀! 你三頁對白可以即刻背到出黎㗎喎!?」阿峯立即解釋:「對白得! 但歌詞真係唔得,記歌詞一直都係一件好難嘅事,因為歌詞係一粒字都唔可以錯,但劇本唔係,不過呢首歌反而我聽過兩次已經覺得歌詞好易入腦,旋律又好易上口,所以今次好多謝林寶寫咗咁好嘅詞比我,希望大家鍾意!」

問到兩位2024年工作大計,會否分配多一點時間在港 ?二人說:「會呀,因為我地嚟緊電影方面都會有合作,應該好快又會再見同埋電影裡面應該都會有好多對手戲!」

對於香港樂壇這幾年間急速改變及有許多的新名字冒起,有沒有一些名字希望來年可以合作?阿峯亦有留意同公司 (華納) 的新音樂人,「其實無論做演員或者歌手我哋都希望尋求新嘅突破同火花,無論係幕前定幕後,同唔同嘅人合作我覺得都係一個好好嘅嘗試同學習,但首先我係好想同我公司新嘅音樂人合作。」娜姐突然好奇問起林峯可有試過Rap?阿峯說:「曾經在節目裡嘗試過,私下去唱歌有時都會挑戰試吓,自問唔識但都想嘗試,身邊都有Rapper朋友,我哋公司(rap得嘅)都有MC同Gareth.T (湯令山),其實仲有好多新人都好希望可以合作!」

問到林峯和古天樂二人一直於螢幕上合作多年,會否考慮合唱?娜姐聞言立即笑說 :「我好想聽喎! 哈哈!」阿峯笑說:「其實我問過㗎!哈哈!我提議話搵次不如我哋睇下音樂上有啲咩撞到出嚟啊!因為其實古仔佢都唱得兩咀,佢都好鐘意唱K㗎!有時我哋自己公司搞慶功呀佢都會唱幾首歌,我都希望睇下同古老闆喺音樂上可以有啲咩火花出到嚟!哈哈!」

你 或 有 興 趣 的 文 章