我們經常形容工作一腳踢，一個人做哂需要合作的工作流程叫「one man band」，而「one man band」本身就真的是「一人樂隊」，即是同一時間玩多過一種樂器的演藝者，當然越多樂器的越厲害。英國就有個Band友爸爸一兼三職－打鼓、彈結他、仲自己唱埋一分，超級厲害！
Nathan第一次係屋企表演時，嚇到啲仔女O哂嘴(AP)
居住在德文郡北部Bideford的Nathan Hutchins，用了三年練成「One Man Band」技能，起初他只是想試試「One Man Band」的可能性，想不到一試就返唔到轉頭。在片中，Nathan為了「夾band」手口腳並用，再唱出殿堂級樂隊Nirvana的《About A Girl》，一下都唔甩beat，睇到人「O晒嘴」。
Nathan話邊彈邊唱其實好難，只為大腦已經集中係兩個樂器上 (AP)
原來Nathan是一名廚師兼職教打鼓，但他的理想是做一名全職音樂人。自小就熱愛音樂的他，12歲起便學習各種樂器，包括吉他、低音結他、鋼琴、色士風、小號和長號。他形容「音樂是我的生命」，能在人面前表演是人生中最「正」的事。Nathan現在正嘗試自己寫歌，還準備報名參加下年的《全英一叮》（Britain's Got Talent），向全國展示他這特別才能。