無綫真人騷《有樓萬事足》下周一播出,未出街已經做咗城中熱話。繼「離地Seasun」後,有份做真人騷的23歲文員Macy也惹來不少負評。她指「靠自己」儲首期,又分享如何每月儲105%,以三百多萬喺旺角買個細單位,但網民就唔多buy。

影片截圖

影片截圖

Macy自言:「第一樣嘢,善用身邊資源,八達通係屋企人支持我,lunch同朋友食飯用八達通嘟,嗰筆錢咪轉交咗畀屋企人。」食屋企住屋企,拍拖男友畀錢,日日炒股唔畀家用,連Macy媽都投訴:「唔開心㗎我,你做嘢都冇家用畀我,咁自私。」Macy即理直氣壯咁話:「我自己慳得好辛苦好辛苦,我覺得你應該畀啲鼓勵或者支持我!」

影片截圖

影片截圖

「自食其力」買樓例子似乎走火入魔,靠自己一樣唔受網民認同。有網民插爆Macy好自私:「問題在於佢竟然覺得咁儲錢係無問題,甚至覺得自己好叻。佢無為屋企付出過,佢阿媽係覺得佢自私,仲講到自己好慘咁,不知所謂。」同時有人嘆謂「今時今日嘅香港人,為上車黐晒線」、「做佢阿媽、朋友、男朋友好慘」、「係身邊人助養佢」。

影片截圖

影片截圖