三名特首候選人昨在選舉論壇上互相「駁火」,期間林鄭月娥出言諷刺曾俊華「枱頭無File(文件)、無紙張,好乾淨」,但自己就好忙碌有好多文件要處理。有關言論隨即引發熱議,林鄭被揶揄「仲使乜再飛紙仔咁old school呀」。
香港Microsoft專頁在其fb專頁上傳一張枱頭相,稱要揭開「點解枱頭無紙之謎底」。帖文指,今早一回到公司,老闆就問「枱頭做咩咁乾淨」,惟小編回應指「其實枱頭無紙張真係唔代表偷懶,因為我啲notes(筆記)寫晒喺電腦」,又稱「仲使乜再飛紙仔咁old school呀」。帖文更標纖曾俊華昨日在論壇上的金句「Work Hard、Work Smart」。
該帖吸引大批網民讚好,有人留言笑指「勁抽!」、「Microsoft 幾時出抽濕機?」。
另外,「頭號薯粉」、自由黨榮譽主席田北俊亦加入「抽水團」,在fb上傳一張非常乾淨的枱頭照片,標題為「所以我咪無選特首囉」。他又標纖「不是林鄭羨慕的那張枱、玩到無野玩要玩枱、我又WorkHard又WorkSmart」。田北俊更在枱頭放置一罐薯片,以示支持曾俊華。
行政長官候選人包括林鄭月娥、曾俊華及胡國興。