*

蘇韻姿力撐單文柔唔係是非精: 佢對個個都好好

去年落選港姐單文柔(Phoebe)被指與陳展鵬撻着,同屆港姐蘇韻姿(Andrea)出席劇集處境劇滿月派對,代好姊妹否認戀情,又力撐對方不是傳聞中的是非精,指她對個個都好好。

 

蘇韻姿(本網記者攝)

蘇韻姿(本網記者攝)

 

蘇韻姿於將軍澳電視城出席處境劇《愛‧回家開心速遞》滿月派對,對於同屆落選港姐單文柔近日被指與陳展鵬拍拖,她謂看到報道都感到震驚:「我好耐冇見同屆港姐港男。(佢係咪拍拖?)佢唔係,佢話(同陳展鵬)係普通朋友。」

 

單文柔(資料圖片)

單文柔(資料圖片)

 

提到Phoebe被指參選時是名「是非精」,鍾意搞小圈子,Andrea繼續力撐對方說:「其實唔係,佢好nice,因為我嗰時同佢都friend,佢對個個都好好,只可能有啲熟啲,有啲冇咁熟,人夾人。(佢有冇唔開心?)佢OK,佢即刻返嚟公司睇吓點解決。」有指Phoebe被暫停工作,Andrea表示應該不會。

 

《愛‧回家開心速遞》滿月派對(本網記者攝)

《愛‧回家開心速遞》滿月派對(本網記者攝)

 

此外,Andrea早前患上口水線瘤,她謂已康復得七七八八:「上年選港姐時發現,冇乜點理佢。開始做嘢發現佢慢慢變大,開始有少少膽心,先去搵醫生檢查做超聲波抽組織,醫生話切咗再生機會好小。」她稱包括做手術,一共休息了九日。

 

蘇韻姿表示已康復得七七八八。(本網記者攝)

蘇韻姿表示已康復得七七八八。(本網記者攝)