Skip to Content Facebook Feature Image

低津要求高工時低入息 團體批矛盾促降門檻

社會事

低津要求高工時低入息 團體批矛盾促降門檻
社會事

社會事

低津要求高工時低入息 團體批矛盾促降門檻

2017年06月12日 13:29 最後更新:13:29

立法會福利事務委員會將討論低收入在職家庭津貼,有基層團體在立法會外請願,批評「高工時、低入息」的申請要求自相矛盾,促請當局降低申請門檻及簡化手續,並增加受惠對象。

爭取低收入家庭保障聯席和關注學童發展權利聯席十多名成員,今早到立法會外請願,要求當局改善低津安排,以增加受惠對象。

有請願人士表示,現時計畫的申請人要同時滿足高工時、低入息的要求,情況自相矛盾,加上低收入家庭面對就業零散化和開工不足問題,難以提供工時證明。他們建議政府降低工時門檻,並容許申請人自行申報工時等。

往下看更多文章

阿爺怕CY唔敢使錢

2014年01月16日 16:37 最後更新:16:47

特首CY在施政報告大灑200億,報館老總們在吹風會中追問CY錢從何來,CY答謂要多搵多使。

你知香港有好多北方來客在此地收風,不少人向他們查問,阿爺會唔會唔高興CY派咁多錢扶貧架,北方來客答得妙:「阿爺怕阿哥(指CY)不敢使錢。」

聽完呢個答案真使人頭腦中「叮」一聲,答案可堪玩味。今年將有政制大戰,互搶民意,CY唔派番多少無乜子彈。睇遠少少,2017年有可能玩普選,無論真普選也好,假普選也好,都係普選,最後要過市民一關。無論阿爺到時支持CY選也好,支持YC選也好,都要市民投一票。乜大家以為唔搞民粹主義,唔向窮人大派福利,特首可以普選成功?

這件事令人諗起90年代初彭定康初來香港做港督時的故事,佢去到港督府返工,召咗布政司和財政司去匯報,聽完財政司講他的問題是「年年有尷尬的盈餘」,肥彭就跌咗落地,佢問:「吓,在香港做財政大臣的問題是年年有意外的盈餘,有錢無處使? 你知唔知我地在英國做政客幾慘,年年赤字,想使都無得使呀? 咁香港的事情好易做啦,就派錢啦。」
                 

中產難免要埋單

肥彭跟著就年年派福利,每次施政報告和財政預算案的主題都是大灑金錢。香港而家攞綜援好過返工的局面,就是由肥彭大力擴展綜援網開始。

香港人要普選,但不論那種派別的政黨,大多數都在搞民粹主義,要派福利給窮人。傳媒也是如此,鬧政府守財奴,剷政府偏向大財團不理窮人,亦在叫政府派錢。到今天CY睇瞓醒啦,開始派啦,正正就朝向那些政黨和傳媒鼓吹的方向去做,而且做得非常大力。你有無留意,平日鬧政府鬧得最大力的政黨,今年施政報告公布後鬧CY都無咁起勁。平日閙政府最出力的傳媒,連施政報告聽晒佢地話大力派錢都無做頭條,用其他新聞做頭,一派「唔幫你做宣傳」的態度。

你可能會話,咁就隊吓CY亂派錢啦。試想如果是蠢人做特首,他可能好似阿爺擔心那樣,「蠢到唔識派」,但即使換個特首,無論是什麼黨派的人,普選當前,你估他會向窮人派多啲還是派少啲呢?

唉,我輩中產,稅就要交足,福利輪唔到,在呢個政制開放的時代,大勢所趨,真係要埋單。以後無論邊個叫你支持佢,睇清楚佢有幾民粹先啦。

盧永雄