《2017香港小姐競選》四名得獎佳麗出席大會化妝品贊助商領獎活動。冠軍雷莊兒（Juliette）連日被網民惡搞，坦言這幾天都很累，無留意網上評論，寧願爭取時間休息。對於網上有將她嘴巴放大幾倍的惡搞片，Juliette似乎有看過並笑說：「我知我笑容好大，但我覺得唔係問題。（男友有否慰問？）佢好驚訝我俾人話，我男朋友係牙醫，佢唔覺得我需要做手術。」
資料圖片
網上惡搞片段
談到Juliette在Instagram直播又惹來網民謾罵，指她態度囂張。她說：「佢哋唔明我講咩，我英文比較好，所以講英文。我想講好多男仔女仔都好負面，想佢哋正能量，唔好嗌交。佢哋影響唔到我，我好好，好開心。」問到可會認真看網民抨擊的言論？她說：「我唔會嘥呢啲時間，我專心學好中文，雖然我中文唔好，但係我有第二啲可代表到香港。」
另外，黃秋生於Facebook留言談到雷莊兒：「D（啲）X弟識條毛咩，話人菲律賓小姐，菲律賓小姐出名靚女，又話人棚牙，棚牙好有性格，好口才。佢唔係靚，係好有型。」褒貶難分。雖然Juliette對秋生是誰毫無頭緒，但她亦笑說：「唔知邊個，剛剛先知，多謝啦！」而對於雷莊兒連日被狠批，亞軍何依婷認為影響不到對方，因為雷莊兒夠堅強，會處理到外界批評，她說：「欣賞佢樂觀正面，要向佢學習。」
