娛圈事
蔡一傑事隔14年再推出個人大碟，特別邀請認識30年的老死兼同門師弟許志安合唱一曲《男藍》。兩人為新歌拍MV，傑仔扮演樂天的「靚仔酒保」同的士司機；安仔就飾演「灰爆打工仔」。
蔡一傑、許志安合唱新歌《男藍》。
蔡一傑於MV中飾演靚仔酒保。
安仔苦笑投訴：「劇本與現實不乎，我性格好樂觀架！」拍攝中安仔又一展球技，導演特別要求某幾個桌球如何「走位」，安仔一Q完成，全場歡呼。
許志安表現高難度入波技巧。
安仔大爆料指為了這首合唱歌，曾於傑仔屋企的洗手間作第一次試唱，他笑說：「當日我喺佢屋企食飯，然後我哋就入廁所試唱，鍾意廁所唱歌有回音。但其實當時我好驚。嘩，兩個男人閂埋廁所門，喺裏面大嗌喎！我驚傑仔嘅家傭姐姐聽到會嚇到報警，我都盡量唱得細聲啲！」
許志安好耐無接受深度訪問。
由黎芷珊主持的TVB新節目《芷珊約您》即將開播，其中一集邀請到許志安做嘉賓，於日前播出的預告片中，許志安被問及安心事件時，並沒有迴避，並直指是「一世嘅傷疤」。
安心事件發生後，許志安曾沉澱3年
新節目以世界各地的演唱會為主題，追訪香港歌手到各地開騷的背後故事。其中一集黎芷珊跟隨久未有接受深度訪問的許志安到澳門開騷，見黎芷珊問許志安：「你最灰嗰段時間，你對自己將來嘅事業仲有冇期望呢？」安仔認真回答﹕「唔夠膽講期望！啱啱呢個演唱會，我覺得最大唔同嘅係，即係我覺得初心係好重要，就算而家個台有幾細，我都唔怕，總之一響聲，我就有信心唱得最好。」當黎芷珊又問許志安有甚麼說話要跟十年後的自己講，許志安即說：「其實你好幸福！」被問到2019年的「安心事件」對他影響有多大時，許志安凝重地指：「一世嘅傷疤嚟㗎！」
黎芷珊跟隨許志安開騷
許志安直言「安心事件」係一世傷疤
2019年許志安與黃心穎出車廂激吻「安心事件」，事後許志安開記者會含淚道歉，暫別3年後正式復出，並到美國及新加坡等地開小型音樂會，仍獲大量歌迷支持。
復出後到美國及新加坡等地開小型音樂會
復出後仍獲大量歌迷支持
