王祖藍策劃兼主演的《老表》系列回歸,今次《老表,畢業喇!》不玩矛盾,轉玩探討教育制度,除了一貫「老表」式笑料,更有唔少「心靈雞湯」式道理。劇集未播出前,王祖藍已有搞作,惡搞吳若希洗腦歌《越難越愛》,整咗首為食版《越辣越愛》。
成首歌王祖藍只密集式唱出「咖哩魚蛋」四字,又扮返《老表》代表人物蔡芯上陣,甫士、畫面學足吳若希《越難越愛》的MV。問到為何惡搞吳若希?王祖藍笑謂別無選擇:「 TVB冇乜其他歌可以有版權,而我又熟嘅。(點解會淨係填四個字落去歌詞?)其實靈感係嚟自《雞全部都係雞》,我覺得好無聊,好好笑,咪照辦煮碗咯。(驚唔驚吳若希嬲?)我唔驚佢嬲,佢抵抗力好強,點玩佢都冇事,佢分分鐘仲玩埋一份添,我都好期待有一日可以同佢合唱呢隻歌。」
「幫緊你、幫緊你……」這句潮語出自古天樂主演的電影《保持通話》,片中飾演有十幾年經驗的電話銷售員王祖藍有一段經典而搞笑的對白。而警方近日就夥王祖藍拍片,重現這段經典畫面,以創意方式,呼籲市民隨時保持警惕,保持冷靜,識破電話騙案。
警方在社交網站分享影片「保持通話 (上)」,短片中,騙徒在電話一頭與被指參與洗黑錢的受害者聯絡上,彼此一直保持通話,誰知受害者的手機突然快沒電了,憂心忡忡的他便衝進一手機專賣店,想買充電寶,豈料遇上慢條斯理的售貨員王祖藍:
FB視頻截圖
FB視頻截圖
FB視頻截圖
「請問你要國產還是美版?」
「請問你要有公仔還是無公仔?」
「請問你要有燈還是無燈?」
「有燈冇貨,至於無燈,係,幫緊你幫緊你,唔好咁勞氣……」
FB視頻截圖
FB視頻截圖
FB視頻截圖
究竟王祖藍與警方如何聯手助受害者免上當受騙?影片最後寫到,未完待續,預料「保持通話 (下)」將為大家揭曉謎底。