赴日特訓格鬥技 麥家琪祝福麥紫莉

ViuTV皇牌節目《G-1格鬥會 II》的8位參賽者麥家琪、麥紫莉、何慈茵、張可義、梁婉微、馬倩宜、蔡嘉燕及余智嘉，上星期遠赴日本特訓；八位參賽者再見傳媒，跟日籍教師學習鎖技，小試身手。

麥紫莉要迎戰大隻女余智嘉。

眾女星公開練習鎖技。

麥紫莉（Chili）練習期間木無表情，神色緊張。（俾其他參賽者欺負？）她說：「唔係！我一用力就會無表情。」她又透露：「參賽前已訓練兩個多月，教練都讚我的動作可以，今次比賽對我好重要，唔會俾反口唔拍AV的事影響到。」（有藝人指責妳喎﹗）「佢哋都係普通人啫，唔會俾佢哋影響到我。」此外，談到其對手余智嘉，於眾多參賽者中實力最高，她說：「大會咁安排都無辦法，我會盡力。」

另外，麥家琪表現輕鬆，談到丈夫及兒子可有叫她小心以免受傷？她說：「的確係有講過，叫我小心受傷，好彩我哋個個都唔係專業。但小麥（麥紫莉）對手係余智嘉，好大隻嗰個，見到佢都掉頭走，我哋祝福小麥。」

麥家琪樣子真係無咩變。

47歲麥家琪為90年代的性感女神，近年鮮有於幕前露面，反而北上搵真銀，在《抖音》進行直播帶貨。近日麥家琪在直播帶貨，與同屆港姐的郭可盈同場，二人凍齡外貌成焦點。

麥家琪於1993年以17歲之齡參選港姐，可惜大熱倒灶，五強不入，而決賽隔日即爆出裸照轟動全城。麥家琪入行後因演出多部三級電影《偷窺無罪》、《野性任務》及《極樂酷刑》等。她於2006年與大律師王國豪結婚，誕下兩子一女的她，一度淡出娛樂圈，直到2018年參與ViuTV節目《G-1格鬥會第二季》，才逐漸復出。

當日直播帶貨同場還有張兆輝和53歲的郭可盈。直播期間麥家琪活潑好動，與主持有說有笑，之後更與郭可盈齊齊大騷歌喉，合唱《至少還有你》。

麥家琪凍齡外貌成焦點

當同場還有53歲的郭可盈

之後更與郭可盈齊齊大騷歌喉

麥家琪皮膚相當緊緻，雖然曾被指髮線向上移，但樣貌與身型不變，與53歲的郭可盈凍齡外貌可比較。

麥家琪曾被指髮線向上移

麥家琪與郭可盈同樣參選1993年香港小姐，同屆還有陳妙瑛、莫可欣，雖然事隔30年，但大家亦保養得相當得宜！想不到麥家琪今次竟然與郭可盈同框。