張智霖（Chilam）以愛協愛心大使身份出席《愛「飾」物日》啟動禮，談到靚靚大讚「魔童」有梁朝偉般靚仔兼似周星馳風趣幽默，日後會多女友。Chilam就話：「媽媽睇個仔永遠會咁高分數，但我比較理性，覺得都係正常小孩子，不過兒子的確幽默。」
Chilam自爆同靚靚意見不合時，魔童就會在旁跳蛇舞緩和氣氛。
Chilam說：「我們時常講笑會笑騎騎，兒子好懂得我講笑會笑到碌晒地，他會識聽同欣賞，幽默感乃是家中好重要的潤滑劑，可能好多磨擦有幽默感變成解決到事情。」他笑言有時跟太太意見不合氣氛緊張，但兒子在旁跳蛇舞就變無事，更笑謂由他教導兒子跳蛇舞。談到可有聯絡傳已當爸的郭富城？他表示城城忙於拍戲。
靚靚大讚「魔童」有梁朝偉般靚仔兼似周星馳風趣幽默。(網上圖片)
他透露家中有愛犬「阿金」外，最近加入新成員雄性犬「來福」，但發現再飼養動物需要常識，因為會鬧不和及關係緊張，而且動物也有情緒會呷醋。他說本想為愛犬改個正常名字，「來福」是老婆袁詠儀（靚靚）改的，他還會爭取未來家中養更多寵物。當提議他不如多個「人仔」？Chilam說：「呢個唔容易，要睇天意，但動物可以領養就得。」他說會教導兒子「魔童」飼養愛犬的責任，因為世界上並非只有人類，希望兒子更加懂得照顧動物。
網上圖片
Chilam說會教導兒子「魔童」飼養愛犬的責任。(網上圖片)
詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！
詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！
Jim sir 6場《即興之王》順利完成。
Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」
Jim sir好感恩觀眾好投入。
更揚言會做100場。
更希望將《即興之王》帶到星馬、美加等地，與當地華人及香港人一同分享。
Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」
廖碧兒
林盛斌
陳小春
而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」
張智霖與囝囝張慕童
魔童好滿意Jim sir扮女人「moment姐」。
魔童睇到笑唔停。
仲同爸爸Chilam「十五指緊扣」。
