行李問題起紛爭,乘客執言力撐司機!一名女子今早乘搭城巴前往機場時,疑因行李問題被司機提醒,隨即發難指司機「鬧」她,並表明「回來一定會投訴」,司機反指「唔該你細聲啲,無人鬧過你」,也有乘客聲援「我哋全車人都做證,司機是好人!」
事發於今早6時許,一名女子乘搭開往機場的「E22A」城巴途中,疑因行李擺放問題被司機提醒,但女乘客不滿稱「我叫你唔好咁大聲姐,你就鬧我了」、指罵司機「不要浪費我時間」。司機反指「我幾時鬧過你啊」、「好似係你發爛渣,唔係我發你爛渣」,又叫她「唔該你細聲啲,無人鬧過你!」
有乘客不忍躁女行為出言聲援司機,指「我可以做證啊,呢個師傅真係好好架」、「一係唔啱你就落車啦,我畀返車錢你啦」、更指「我哋全車人都做證,司機係好人!」躁女屈服群眾壓力,怒斥一輪粗言穢語後返回座位,最後表明「回來一定會投訴!」
有乘客就說司機禮貌好,見到他幫長者放行李,只是乘客發難,其後他將片段放上網,引起網友熱議。有網友慨嘆「依家做巴士司機真係好難」,讚揚「司機EQ高」,又說如果真的想幫司機,應打電話向巴士公司講述事實,就可以幫到位好人,好心有好報!
【注意:內有粗言穢語,慎入!】