蕭正楠與黃翠如被共同好友曹永廉爆料稱二人已秘密結婚。蕭正楠接受訪問時否認秘婚，曹永廉亦澄清稱自己只是開玩笑。
蕭正楠否認同翠如結婚， 叫大家唔好信阿廉爆料。
阿蕭與翠如拍拖三年多已認定對方為結婚對象，早前盛傳兩人旅行結婚，不過翠如近排又自言未傾過婚事。
蕭正楠、黃翠如（資料圖片）
而近日阿廉52歲生日，仍在美國登台的他獲阿蕭隔空送祝福：「10月16日又到了！全港熱烈祝賀老廉更年期依然老當益壯、但願重振雄風！去美國登台只有精叻永冇jet lag，唱歌唔走音，唔會俾人扔爛蕃茄！#全港熱烈祝賀」。阿廉轉發社交平台的貼文，更裝作不經意地爆料：「你隻蕉真係成熟咗，講嘢冇咁口臭，積到啲口德，結咗婚係唔同D（啲）」。
阿廉一句「結咗婚係唔同啲」惹來網民討論。
網民急問阿廉真定假？亦有人話：「幾時結咗婚又唔通知， 爆料了！」不過阿蕭接受傳媒訪問時回覆大家信阿廉一成，雙目失明，他與翠如結婚是阿廉的生日願望；阿廉亦自稱是開玩笑，想不到迴響如此大。
蕭正楠、黃翠如（資料圖片）
