林作現轉型做藝人，問到可會翻撻「十優港姐」麥明詩，他自爆有個名冊列出半打以上可翻撻舊愛名單，坦言與麥明詩仍然是朋友。
林作現轉型做藝人
現年27歲的林作放棄做大律師後，日前正式宣布被范振鋒「包起」，月賺5位數字做藝人。不過談到長遠策略，林作半帶笑說：「而家我肯定係『裙腳仔』，但我最想做『小白臉』，嫁入豪門唔再係港姐專利！等31歲後公開徵婚攞『收成』。」所以方新俠和林希樺搞的《致富從心》分享會，林作話會去撐場學嘢。
林作和Elsa跟「股俠」方新俠學投資心得，希望愈賺愈多。
林作坦言要跟林希樺和方新俠學嘢
「股俠」方新俠及「人生導師」鮑起靜甥生女林希樺（Elsa）將於本月23日在九展舉辦的《致富從心》分享會中，結合娛樂、投資、面相元素，又會講吓人生。除了林作外，原來棋人娛樂老闆鍾楚霖（小霖）阿Bob、玄學家陳定幫等都有跟方新俠學投資，到時會齊齊力撐。林作直言不擅理財，連相士陳定幫都指他要靠屋企，並指：「相士話我呢世贏唔到阿媽，而且老婆比我強勢，女人係會食住我，第時我分分鐘跟老婆姓！」
資料圖片
不過，講到投資在女人身上，林作就非常有心得，他表示：「因為我由細到大同單親媽媽生活，好了解女人心態。」「情聖上身」的林作形容受形象影響，近幾個月處於低潮期，「猛食檸檬」。當問到可會翻撻「十優港姐」麥明詩時，他卻避談，面紅紅自爆有個名冊列出半打以上可翻撻舊愛名單，有時瞓覺前悶會whatsapp吓，坦言同麥明詩依然係朋友。
