Skip to Content Facebook Feature Image

面膜越敷越老? 五大禁忌你要知

生活事

面膜越敷越老? 五大禁忌你要知
生活事

生活事

面膜越敷越老? 五大禁忌你要知

2017年11月07日 10:00 最後更新:04:37

想令肌膚恆久「保鮮」,敷面膜是保養程序中重要的一環,但若使用不當,就會帶來反效果,甚至越敷越老!以下敷面膜的五大禁忌你要知:

設計圖片

設計圖片

1. 面膜日日敷?

如果是純保濕補水類型的面膜,是可以每天敷,但如果是有特殊功效的面膜,就不能每天使用,例如清潔面膜使用次數過於頻繁的話,容易造成肌膚敏感、紅腫,亦會令未成熟的角質失去抵禦外來侵害的能力,建議每周一次就足夠。至於滋潤型面膜就建議每周最多兩次,否則會造成臉部營養過剩,容易引起暗瘡。

2. 邊浸浴邊敷?

設計圖片

設計圖片

不少女士為了方便及節省時間,會一邊浸浴一邊敷面膜,不過原來浴室內的水珠會阻礙面膜貼合肌膚,反而會令肌膚難以吸收精華,弄巧成拙。最佳敷面膜時間,其實是沖完涼之後,這時毛孔會持續擴張,敷上面膜實為最佳。

3. 睡眠面膜免沖洗?

睡眠面膜其實不會徹底被肌膚吸收,會停留在表層,所以敷太耐會妨礙肌膚吸收,甚至有機會令肌膚生暗瘡,所以最好敷上約6小時後就沖洗。

4. 敷得越耐越好?

設計圖片

設計圖片

一般的面膜只可敷10至15分鐘,部分人為了不浪費精華,會敷上長時間,令面膜越敷越乾,不但沒有保濕作用,反而吸收了原本的肌膚的水分和油脂。剩下的精華情願塗在身體上,也不要貪心放在面上。

5. 面膜成份?

設計圖片

設計圖片


市面上的面膜種類繁多,不同功效的面膜營養成分不一樣,如果使用錯誤不但達不到理想的功效,甚至造成肌膚過敏,所以購買前一定要看清楚成份,如部分面膜裡面含有檸檬的維生素C、甘草酸等美白成分,是不能在白天時使用,否則在紫外線的刺激下會形成色斑;若是含果酸成分的面膜使用太頻繁,會刺激皮膚,出現泛紅等問題。

往下看更多文章

牠會放屁嗎?關於雀的無聊10問

2015年12月03日 16:26 最後更新:17:11

今日諗唔到寫乜,膠仔只好向Google大神請教吓啲無聊知識。喺搜尋列輸入「Do birds ……」(雀仔會唔會……),自動彈出以下結果。我逐個望,發現啲內容勁有趣,一於開返個「無聊10問」,試試用最少字數講最多小知識。

雀會放屁嗎?
鳥類消化食物速度勁高,加上肚道細菌同其他動物唔同,消化過程中唔會產生氣體,無屁放。

雀會屙尿嗎?
雀仔唔會屙尿,所有廢物都係由同一個「洩殖孔」排出體外,屎中帶尿。

雀仔會唔會瞓覺?
會呀,飛行途中仲可以俾一邊大腦休息,另一邊保持清醒,所以候鳥遷徙連續飛幾十日都無問題。

雀仔企喺高壓電纜上點解唔電死?
雀鳥之所以能夠停喺高壓電纜而唔會電死,係因為身體無「接地」(同其他物件接觸),小小身體同電纜間嘅電壓差並不足以產生電流,無電流的話就無殺傷力。不過如果隻雀企喺電纜嘅同時,又同另一件連接地面嘅物件有接觸,保證燒鳥。

雀仔會唔會中閃電?
如果雷電擊中大樹,樹上雀仔就慘啦。點解?上邊已經講咗。

雀仔有無耳?
有兩隻,藏喺頭部羽毛之下。

雀仔如何交配?
過程好短暫,男上女下,進入,完。

雀仔會唔會生虱?
會,仲會生螨、蠅等至少有41個品種寄生蟲。

雀仔點解要遷徙?
主要係要尋找適合嘅居住環境,有科學家亦認為係為咗遠離父母,好似部分人大個咗想搬出去住一樣。

雀仔吱吱喳喳叫有咩意思?
最多時係為咗同同類嬉戲以及求偶,每種雀都有獨特「鳥語」,以唔同頻率表達唔同意思。