86歲胡楓開騷破紅館紀錄 想請謝賢曾江齊捧場

胡楓（修哥）舉行記者會，宣佈將於明年再開紅館騷，屆時會打破紅館最大年紀歌手開騷紀錄，一班契仔契女亦有拍片道賀，他亦表示想請不和的謝賢與曾江齊齊睇騷。

東星圖片

東星圖片

修哥將於來年2月10至11日在紅館舉行《胡楓86破晒紀錄演唱會2018》，成為在紅館開騷的歌手中最大年紀的一位，認真威水。契仔契女們包括張學友、曾志偉、鍾嘉欣、陳豪及黎耀祥等拍片支持，學友坦言契爺86歲開騷對他有啟發性，只要自己生活檢點、飲食健康便能多唱30年。蕭芳芳則錄聲帶支持，大讚修哥「唱得、跳得、Talk及食得」。

東星圖片

東星圖片

修哥坦言破紀錄相當難得，故每日緩步跑一小時練氣，又大呻歌詞難記，至於跳舞則未必太多，「我心境26歲，實際86喇，希望90歲再開騷。」至於會否邀請契仔契女如黎明、學友及林憶蓮等演出，他自認怕醜，不想再碌爆人情卡，故交由主辦安排。

東星圖片

東星圖片

問到會否邀請不和的謝賢與曾江齊齊睇騷「破冰」？修哥說：「希望邀請所有朋友睇，但他們兩位真的很特別，我們的友誼超過60年，不簡單，其實他們後生時也經常鬧交，哈哈！」

資料圖片

謝霆鋒激罕用5字回應感情事！

藝人謝霆鋒與韓國歌手鄭智薰（Rain）一同現身澳門，出席高端時尚運動品牌K-Swiss澳門威尼斯人旗艦店開幕活動。問到可有想過同Rain合作？霆鋒表示：「呢啲事要發生都係順其自然。」

謝霆鋒現身澳門出席活動。

霆鋒受訪時激罕回應感情事。

霆鋒透露剛去完日本滑雪，問到女友王菲都鍾意滑雪嗎？他表示王菲不喜歡滑雪，問到女友的事，霆鋒便笑笑口：「唔講呢啲喇！」講到早前傳出爸爸謝賢身體出毛病，霆鋒立即替爸爸澄清：「希望大家唔好亂咁傳，佢好好，我有同老竇見面，佢嘅情況我好清楚，大家唔使擔心。」

大爆女友王菲唔鍾意滑雪！

提起王菲即甜絲絲！

現場Kenny表示要向他討利是，霆鋒即開Kenny玩笑指Kenny搞錯了，論輩分年紀Kenny應該給他利是，他笑指：「佢誤會咗我哋嘅年齡，我後生過佢。」但事實是霆鋒較Kenny年長，擺明開玩笑！

專心睇騷。

同場還有韓國歌手鄭智薰（Rain）。