巴士上乘客之間發生爭執時有發生，近日網上流傳片段，指兩名男子在巴士上，疑因眼神問題發生爭執，其中踢拖阿叔一度箍著對方頸部，又指對方「你唔可以咁惡架！」少年回指：「我得罪你咩呀？」有網民質疑車長為何不報警，亦有網民嘲笑兩人「小學雞」。
片段截圖
有網民昨在facebook專頁「柏斯敦巴士台」上載片段，指上月有兩名男子於一架新巴26號線巴士下層車廂，疑因眼神問題發生爭執。片段長近3分鐘，從片中可見，其中穿著拖鞋的男子箍著另一名男子的頸部，兩人在上車位置門口互相糾纏，期間粗口橫飛，被箍頸的男子問「你扯我做咩？」但對方未有停止，在旁的司機亦未有勸阻。
片段截圖
兩人其後走到車廂中間位置，不停互相指罵。擾讓近分半鐘，兩人雙雙下車，繼續罵戰。踢拖男指罵少年：「我望你一眼，你唔洗X我老母！一次又咁，兩次又咁！」對方則激動表示「幾時有？」，並反指踢拖男「無端端撩我，我得罪你咩呀？你而家打到我咁。」少年揚言要報警，而踢拖男則稱：「你唔可以咁架！知唔知呀！你唔可以咁惡架！後生仔。」
片段截圖
片段未有交代事件結果，但就掀起網民熱議。有網民留言問「車上有人開片，車長唔係要報警，點解個車長係（喺）到（度）食花生」，又有人批評兩人「小學雞」，亦有網民笑言，踢拖大叔用心良苦。