與C君曾窮到無錢食麵 王浩信自覺好「渣」

這一「麵」之恩，相信王浩信會永遠都記着！

王浩信親講一次當年的辛酸史。

王浩信封視帝後，司儀C君在社交網站分享二人合照，自爆早於13年前相識，當年二人更只有雙位數的銀行存款，要友人接濟，才夠錢付芝士麵的賬。

C君貼文爆當年二人均只得雙位數存款。（網上圖片）

浩信出席活動時亦自爆：「等了10多年，我都想講下這個故事；當時我仍是歌手，與一班音樂人經常打籃球，每次打完都習慣去食芝士麵，但有一次我身上無錢、到銀行也撳不到錢出來，朋友指30幾蚊幫我出住先，我卻發了個小小脾氣拒絕，因覺得自己好『渣』，亦記住呢件事，提醒自己唔可以再連碗芝士麵都無錢食；這段時間大約過了兩年，當時真的很無安全感，更沒有甚麼錢能畀過屋企，真的很多謝家人的支持。（現在可買起芝士麵店了？）哈哈哈，還未得呀！」

本網記記者攝

王浩信得獎時亦曾提過當年的辛酸。（本網記記者攝）

另外，提到汪明荃（阿姐）的「山頭文化」言論，浩信表示其實不大明白甚麼是「山頭文化」，但聽到要為藝人爭取加人工和多點休息時間時，就很開心。說到箇中意思是藝人被涉及高層鬥爭，王浩信避重就輕的說：「我較著重公司對演員的配套及支持，當然收入和休息時間都有直接影響，希望公司也多加關注。」

黃翠如、周奕瑋及C君首度碰頭已經好有「火花」！

全新綜藝節目《渣打優先理財特約： Grand 住去台北》，由今晚（20日）開始，一共兩集於周六晚九點翡翠台播映。節目由拍攝旅遊節目經驗豐富的黃翠如及周奕瑋（Jarvis），首度夥拍名嘴兼「綜藝大腦」C君擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，並齊齊首度體驗包機外遊滋味。

三位首度碰頭已經好有「火花」。

DoDO姐好搶鏡。

呢間一星米芝蓮餐廳嘅每一道菜都好有特色，三位主持都食很好開心。

以介紹衣食住行豪華新體驗為宗旨的《Grand住去台北》，今晚播出的第一集將介紹三大特色豪華體驗，包括連續六年獲得米芝蓮的一星當代料理餐廳、五星級豪華露營車體驗，及充滿藝術氣息兼有無限打卡位的台灣新興精品商場。先說米芝蓮一星餐廳，除了8道特色料理只需約970港元CP值夠晒高，每道菜選用的材料亦甚有特色，先後有紫色海膽汁、台灣地道蔥油餅，及檳榔入饌等，其中一味石班魚更令三隻搗蛋鬼玩個不停。食完大餐，三人與負責設計及主理菜式、來自香港的廚師Chef Kin閒談，Chef Kin開心share了在台灣創立富有自己特色料理的進程，並指料理特色是呈現「廚師本身的故事及心路歷程」，C君聞言即感嘆謂：「我哋食咗你嘅人生。」

食食吓仲搞埋爛Gag。

每一道菜其實都係Chef Kin嘅人生同經歷縮影。

翠如為咗影靚相無所不用其極。

Room Tour都搞到好歡樂。

球場得意嘅翠如，喺煮場就相當失意。

體驗露營車期間，翠如則模特兒上身大晒玉臂跪求「攝影擔當」C君影靚靚寫真，Room tour期間三人再度大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後三人各自在精品商場搵節目，翠如獨自到了一間以文青風做主打的書店尋寶，並大爆自己出Trip時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」

搞到C君嬲嬲豬。

翠如自揭怪癖，就係鍾意買埋啲睇唔明嘅書。

三人出發之前，在香港機場亦有趣事發生，就是偶遇了英文名叫DoDo的靚女地勤，DoDo更配合三位無聊的主持大玩爆肚式「角色扮演」，盡顯美貌與喜感一面，令C君大感驚艷之餘，亦為整集節目加添了一個小彩蛋。

Jarvis去咗學滑雪，個樣都幾驚青喎。

翠如另外仲去咗一個好有特色嘅展覽。