機票愈來愈平,得閒飛一轉日韓,本來已經係好多人生活的一部份,港航剛剛推出的全年優惠套票更吸晴,2萬元全年任飛,一見到真係個心動一動。
港航新推出「一人盡情飛」日韓通Pass,經濟艙售價由19,999起,商務倉由45,999起,全年任飛來回香港同日韓,全年不限出發日期,可以免費更改出發日子。
雖然呢個價錢未包括燃油附加費、旅行社行政費、機場稅等,但都有數得計。
航點包括日本東京、大阪、沖繩、札幌、米子、岡山、宮崎、鹿兒島及韓國首爾。
唔好話個個星期飛咁顛,兩個星期飛一次,星期五晚走星期日晚返,一年飛26次,飛到「阿媽都唔認得你」,都係幾舊水一張機票,而且不是廉航,都相當吸引。
港航透過下列旅行社出售這些套票:東瀛遊、康泰、安運滿FUN遊、專業旅運、中旅社、南華(快捷)、安達旅運、百福飛龍旅遊、西敏旅行社。
港航推出510套套票,聞說甚受歡迎,一開售已賣了40套。
Sebastian
** 博客文章文責自負,不代表本公司立場 **