娛圈事
囡囡全程只顧望着全盒，還不停想拿糖果，完全未有理會媽咪和鏡頭，認真搞笑！
踏入農曆新年，不少父母都會教仔女講恭賀說話，向大家拜年逗利是，歌手關心妍（Jade）都不例外。但似乎囡囡楊榮心（Jovia）就不太專心了，被全盒內的糖果吸引了！
Jade昨晚上載短片，她教囡囡Jovia講賀年說話，並齊齊向大家拜年：「恭喜發財，利是逗來！」但Jovia就全程只顧望着全盒，還不停想拿糖果，完全未有理會媽咪和鏡頭，認真搞笑！
網上圖片
但年紀細細的Jovia也略懂分辨瓜子和糖果，都十分犀利呢！網民見到Jovia都大讚她可愛，並祝福她快高長大，身體健康，聰明伶俐！
關心妍日前在廣州完成《約》22周年演唱會，全場爆滿之餘，囡囡更自薦做嘉賓！
呢次演唱會原訂Jade出道20周年時舉行，但受疫情影響延至22周年舉行，但無阻歌迷熱情，來自內地粉絲紛紛撲飛：「呢次廣州係第一站，嚟緊仲有幾站會舉行，因為延遲咗兩年，所以都加啲新衫、新歌單比佢哋補數！今次香港Fans都組團二百人嚟支持，我叫佢哋乘機去吓啲大熱超市潮聖，其中一個Fans更加喺日本趕翻嚟睇騷。」
關心妍（Jade）日前在廣州舉行《約》22周年演唱會。
囡囡心心自薦做嘉賓！
因為關心妍久未舉行巡唱，現場一票難求，有哈爾濱樂迷南下捧場，到步後才發現全場爆滿：「我都唔知點算好，真係一張飛都冇晒，冇理由我地自己買黃牛㗎嘛！但見佢咁遠嚟到都要諗吓方法，最終我比咗囡囡張飛佢，我同心心講佢係嘉賓，要喺後台準備，唔洗門票嘅！啲Fans見到佢都好開心，話佢高咗好多，唔知下次開騷佢仲肯唔肯上台唱。」
全場爆滿！
Jade以新歌衫登場。
母女再度舞台合體成焦點，Jade亦帶新歌衫登場：「因為我剛剛簽咗新唱片公司(中國SONY)，希望比大家有新嘅感覺，加上心心都入咗小學，開始有翻啲時間做嘢，所以都趁佢返學日子錄新歌，不過我同公司講好咗，要跟學校校曆表去安排工作。」
Jade透露簽約新唱片公司(中國SONY)，希望給歌迷有新的感覺。
