娛圈事
原來丁子朗都服過「兵役」。
東星圖片
丁子朗、張彥博和黃長興等出席網上直播節目，眼腫腫的丁子朗就自爆連續兩晚打麻雀和賭魚蝦蟹，收穫不錯都贏到百多元，笑謂希望「玩poker不會仆直」。
張彥博、黃長興、丁子朗（東星圖片）
提到節目中有個測心跳機會測試到是否講大話，丁子朗自言好少講大話。問到可有騙過女生？他說：「我俾女仔呃做觀音兵，依家會學睇清楚啲。（可想行桃花運？）今年買了一棵桃花，本放在茶几上，聽完李丞責師傅講桃花位在中宮，即刻改為放在客廳中間。」
東星圖片
另外，張彥博坦言認為玩「啤牌」講求運氣，覺得黃長興是最大勁敵，因為一身西裝造型有氣勢，但較年輕的丁子朗可能經常上網玩。談到新一年願望，他表示去年拍幾套劇，又參演內地網劇擔正做男主角，今年會有不一樣自己出現，覺得幾感動。
東星圖片
丁子朗近日分享了兩張手持電話的宣傳照，惹來外貌再進化疑雲。
26歲的丁子朗於2016年參選港男入行，加入TVB以來一直受力捧，但自他參加《亞洲超星團》以來，一改以往陽光大男孩的形象，妝容及髮色便經常成為網民討論的焦點，雖然日前參加盛勁為與麥明詩的婚禮時，他已染回黑頭髮及不再化濃妝，回復參賽前的模樣，但之後他分享了兩張手持電話的照片，卻令他的外貌再度備受關注。
丁子朗早參加《亞洲超星團》，但造型照一公開，網民已不太接受。
之後再染了金髮。
令他的外表經常成為網民討論的焦點。
丁子朗日前參加盛勁為與麥明詩的婚禮時已染回黑頭髮及不再化濃妝。
回復參賽前的模樣。
丁子朗在IG貼出兩張手持電話的照片，並發文為手機品牌宣傳，相中可見他五官精緻不少，雙眼炯炯有神，而且鼻子更又高又挺，其中一張更見到他的食指又幼又長，疑似P圖過度，相當詭異！
側面認唔出。
手指被P圖P到好長。
不少看過照片的網民都表示認不出是丁子朗，紛紛留言：「點解又唔同咗樣」、「你是誰？ 除咗整咗個鼻。應該仲整其他嘢。而家個側面完全唔識佢」、「我唔討厭丁丁，但希望外貌唔好再進化，再靚仔又如何？都唔係最真嘅你」、「專心工作，唔好再整個樣啦」、「係唔係我錯覺，個樣又進化咗？同出租家人個樣差好遠」、「而家個側面完全唔識佢」、「AI樣嚟嘅？」但也認為丁子朗樣貌改變只是化妝的功效，「點會係整容，最多都係化妝技術超強，唔好睇小化妝嘅威力」。
