*

upload_article_image

赴美開巡唱 李克勤狂收利是:夠囝囝交學費

克勤今年收利是已收到手軟。

克勤於農曆新年遠赴拉斯維加斯舉行巡迴演唱會

克勤帶同老婆和一對囝囝於美國過年

克勤收到不少利是

李克勤於農曆新年遠赴拉斯維加斯舉行巡迴演唱會,並且帶同老婆盧淑儀和一對囝囝於美國過年。克勤謂人生第一次過兩個大年初一,先是在香港過年初一與家人拜年,再上機飛拉斯維加斯,因為時差關係,到埗後再過美國的年初一。他說:「初二,初三做兩場騷,冇諗過觀眾咁熱情同咁厚愛,兩晚剩係收觀眾利是都收到手軟,真係多謝大家派利是畀我,滿滿祝福。仲有歌迷送美金銀紙花,真係保家宅保平安,收收埋埋都夠我阿仔一兩個月學費!非常感謝!」

克勤笑指利是可作囝囝的學費

克勤為囝囝撲飛看Bruno Mars演出

巡迴演唱會結束後,克勤做回廿四孝老竇,為囝囝撲飛看Bruno Mars演出,「因為兩個仔都係佢fans , 好鍾意佢嘅歌,我都鐘意佢,好彩有貴人幫手,都撲到靚位飛,我兩個仔睇得好開心。」完成工作後,克勤繼續和家人去玩,「兩個仔未開學,所以都計劃再帶佢哋去多個旅行,玩多幾日先返香港。」